2020-11-05 18:48
Информагентства
Հայաստանի Կոմկուս. Ադրբեջանում ամերիկյան կենսալաբորատորիաները հատուկ սպառնալիք են ներկայացնում
Հայաստանի Կոմունիստական կուսակցությունը հանդես է եկել հայտարարությամբ, որում անդրադարձել է աշխարհի ժողովուրդների համար այն հսկայական սպառնալիքին, որ ադրբեջանա-թուրքական ռազմական ագրեսիայի պայմաններում Ադրբեջանի տարածքում բերում են ամերիկյան կենսաբանական լաբորատորիաները:
Հայտարարության մեջ, մասնավորապես, նշվում է.
«Ավելի քան քառասուն կոմունիստական և սոցիալիստական կուսակցություններ հանդես են եկել համատեղ հայտարարությամբ՝ ընդդեմ ամերիկյան զինված ուժերի կողմից կենսաբանական զենքի մշակման ու բաշխման և ընդդեմ Ադրբեջանում ռազմական կենսաբանական լաբորատորիաների: Տեղեկատվական արշավի նախաձեռնողները նշում են, որ աշխարհում արդեն ստեղծվել են պաշտպանության երրորդ մակարդակի 1495 լաբորատորիաներ: Վաշինգտոնն այդպես էլ չի ստորագրել Կենսաբանական զենքի զարգացումը և տարածումը արգելելու մասին կոնվենցիայի արձանագրությունը, որը նրան հնարավորություն է տալիս հավաքել ամենավտանգավոր հիվանդությունների տեղական հավաքածուները՝ դրանք մոդիֆիկացնելով բնակչության և գյուղատնտեսության դեմ օգտագործելու համար: Ստորագրողները նշում են նման լաբորատորիաների առկայությունը, այդ թվում` Ադրբեջանում: Լեռնային Ղարաբաղի դեմ ադրբեջանա-թուրքական ագրեսիայի սանձազերծած զինված հակամարտության ընթացքում այդպիսի օբյեկտները սպառնալիք են ներկայացնում Աշխարհի ժողովուրդների համար՝ անկախ նրանից դրանք կգործարկվեն Ադրբեջանի իշխանությունների կողմից, թե կվնասվեն ռազմական գործողությունների ընթացքում: Մենք միանում ենք կենսաբանական զենքի մշակումն ու տարածումը արգելելու, ԱՄՆ բոլոր ռազմական կենսաբանական լաբորատորիաները աշխարհի բոլոր երկրներում, ներառյալ Ադրբեջանում, անհապաղ վերացնելու պահանջին», տեղեկացնում է News.am-ը։
ПОСЛЕДНИЕ ОТ АВТОРА
-
New2025-07-10 07:32Президент России Владимир Путин уволил Михаила Богданова с поста заместителя министра иностранных дел РФ, говорится в подписанном указе, сообщает Lenta.ru.
-
New2025-07-10 07:28Огосударствление ЗАО "Электрические сети Армении" – это форма политической репрессии и грубое нарушение права собственности и принципа верховенства закона. Об этом говорится в заявлении партии первого президента Армении Левона Тер-Петросяна "Армянский национальный конгресс" (АНК).
-
New2025-07-10 07:24Главу азербайджанской диаспоры Подмосковья Эльшана Ибрагимова депортируют из России, сообщает Shot.
-
New2025-07-10 07:19Власти намерены назначить главу Службы государственного контроля, бывшего губернатора Котайкской области Романоса Петросяна управляющим ЗАО «Электрические сети Армении» (ЭСА). Об этом сообщает Armlur.am со ссылкой на свои источники.