2020-11-06 11:24
Информагентства
Թրյուդոն ու Մակրոնը քննարկել են իրադրությունը Լեռնային Ղարաբաղում
Կանադայի վարչապետ Ջասթին Թրյուդոն և Ֆրանսիայի նախագահ Էմանուել Մակրոնը հեռախոսազրույց են ունեցել, որի ընթացքում քննարկել են Լեռնային Ղարաբաղում առկա իրավիճակը: Տեղեկությունը հայտնում է Կանադայի կառավարության մամուլի ծառայությունը։
Հաղորդագրության մեջ նշվում է, որ կողմերն ընդգծել են երկխոսության ու դիվանագիտության կարևորությունը` Ղարաբաղյան հակամարտության խաղաղ կարգավորման ուղիներ գտնելու հարցում:
Զրուցակիցներն անդրադարձել են նաև հարցերի լայն շրջանակի, այդ թվում ՝ երկկողմ հարաբերություններին, ահաբեկչության դեմ պայքարին, COVID – 19-ի հետ կապված իրավիճակին:
«Վարչապետ Թրյուդոն Կանադայի անունից աջակցություն է հայտնել Ֆրանսիայի ժողովրդին` Ֆրանսիայում տեղի ունեցած ահաբեկչությունների կապակցությամբ», - ասվում է հաղորդագրության մեջ:
Կանադայի վարչապետն ու Ֆրանսիայի նախագահը վերահաստատել են կարծիք արտահայտելու ազատության ու մարդու հիմնարար իրավունքների պաշտպանության կարևորությունը: Երկու երկրների ղեկավարները հայտարարել են նաև ահաբեկչության դեմ պայքարի իրենց հանձնառության մասին։
Զրուցակիցները մտքեր են փոխանակել մի շարք միջազգային խնդիրների, այդ թվում ՝ Միջերկրածովյան արևելյան տարածաշրջանի իրավիճակի վերաբերյալ, տեղեկացնում է Sputnik Armenia-ն։
ПОСЛЕДНИЕ ОТ АВТОРА
-
New2025-04-19 13:05Вступление в Союзное государство не означает нарушение независимости Армении.
-
New2025-04-19 13:03Депутат фракции «Честь имею» Национального Собрания Тигран Абрамян пишет:
-
New2025-04-19 13:03Избранный мэр Гюмри Вардан Гукасян официально вступил в должность. Церемония принесения присяги состоялась в субботу во втором городе Армении.
-
New2025-04-19 11:14Представитель армянской общины Вараздат Миносян назначен вице-премьером Абхазии. Соответствующий указ подписал президент Абхазии Бадра Гунба.