2020-11-06 18:48
Информагентства
Հայաստանը պատրաստ է շարունակել գործնական քայլերը ԱՊՀ շրջանակներում փոխշահավետ գործակցության համար
Հայաստանը պատրաստ է շարունակել գործնական քայլերը Անկախ պետությունների համագործակցության կազմակերպության շրջանակներում փոխշահավետ համագործակցության հեռանկարային ուղղությունների ընդլայնման բարենպաստ պայմանների ձևավորման գործում: Այս մասին ընդգծել է ՀՀ փոխվարչապետ Մհեր Գրիգորյանը տեսակապի միջոցով մասնակցելով ԱՊՀ մասնակից պետությունների կառավարությունների ղեկավարների խորհրդի նիստին:
«Ինչպես հայտնի է, համաշխարհային մասշտաբով յուրաքանչյուր տնտեսական անկայունություն խթան է նոր մոտեցումների, նորամուծությունների և գիտական նվաճումների կապիտալիզացիայի համար: Եվ այս առումով մենք առանձնահատուկ կարևորում ենք ԱՊՀ մասնակից պետությունների համագործակցությունը նորարարական, կրթական, տեղեկատվական և այլ ոլորտներում: Հայկական կողմը իր պատրաստակամությունն է հայտնում խորացնելու համագործակցությունը բարձր տեխնոլոգիաների զարգացման ծրագրերի շրջանակներում՝ հաշվի առնելով, որ մեր երկրում թվայնացումը, նորարարությունը և տեխնոլոգիաների զարգացումը գերակա ուղղություններ են:
Այս համատեքստում հայկական կողմը կարևորում է մինչև 2030թ. ԱՊՀ մասնակից պետությունների նորարարական համագործակցության միջպետական ծրագրի ընդունումն ու թվային զարգացման ոլորտում ԱՊՀ մասնակից պետությունների տեղեկատվական փոխգործակցության մասին համաձայնագրի ստորագրումը:
Հայկական կողմը աջակցում է նաև նիստին առաջարկվող փաստաթղթերի ընդունմանը, որոնք կարգավորում են և ուղղված են տարբեր ոլորտներում շահագրգիռ փոխգործակցության արդեն առկա մեխանիզմների կատարելագործմանը, մասնավորապես՝ հակաօդային պաշտպանության միասնական համակարգի ստեղծման և զարգացման ոլորտում, խաղաղ նպատակներով ատոմային էներգիայի օգտագործման, ինչպես նաև ԱՊՀ պետությունների տարածքներում միջազգային փոխադրումների անվտանգության ապահովման ուղղությամբ:
Առաջիկա երկու տարվա համար հումանիտար ոլորտում համագործակցության առաջնահերթ միջոցառումների ծրագրի ընդունումը մենք ընկալում ենք որպես հումանիտար ոլորտում կապերի ամրապնդման և շփումների ընդլայնման հերթական քայլ:
Մեծապես կարևորում ենք տնտեսության և միջպետական առևտրատնտեսական համագործակցության զարգացմանն ուղղված Տնտեսական զարգացման ռազմավարության առաջին հնգամյակի իրականացման միջոցառումների ծրագրի ընդունումը, որն ընդգրկում է նաև ԱՊՀ երկրների տնտեսությունների համար համավարակի բացասական հետևանքները նվազագույնին հասցնելու միջոցառումներ:
Համապատասխանաբար, մենք հատուկ կարևորում ենք համագործակցությանը՝ առողջապահության, բնակչության առողջության պահպանման, վերականգնման ու բարելավման ոլորտում և սանիտարահամաճարակային բարեկեցության ապահովման, բժշկության ոլորտում միջպետական հարաբերությունների զարգացման և ամրապնդման ուղղություններով:
Ամփոփելով՝ ցանկանում եմ ևս մեկ անգամ հայտնել մեր պատրաստակամությունը ԱՊՀ երկրների հետ համատեղ ներդաշնակեցնելու համավարակի դեմ պայքարում մեր ջանքերը և բարձրացնելու դրա արդյունավետությունը»,-«Արմենպրես»-ի հաղորդմամբ՝ ասել է ՀՀ փոխվարչապետը:
Նա նշել է, որ ԱՊՀ հիմնական նպատակը շարունակում է մնալ տնտեսության ոլորտում, հումանիտար բնագավառում, անվտանգության և քաղաքական փոխգործակցության ոլորտներում միջպետական համագործակցության հետագա զարգացման համար բարենպաստ պայմանների ապահովումը: Հայաստանը ողջունում է նշված ոլորտներում փոխգործակցության և համագործակցության նախաձեռնությունները և պատրաստ է աջակցելու ընդունվող որոշումների արդյունավետ իրականացմանը: «Վստահ եմ, որ առկա պայմանավորվածությունները կոնկրետ բովանդակությամբ լրացնելու մեր հետագա ջանքերը կբարձրացնեն կազմակերպության շրջանակներում մեր երկրների բազմակողմ փոխգործակցությունն ամրապնդելու և ընդլայնելու գործում ԱՊՀ իրական ներդրումը»,-ընդգծել է նա:
ПОСЛЕДНИЕ ОТ АВТОРА
-
New2025-07-21 09:31Продолжаю публиковать интересные сведения: день четвёртый. Об этом на своей странице в Facebook написал арцахский адвокат Роман Ерицян, опубликовав также фотографии.
-
New2025-07-21 09:28Католикос Всех армян Гарегин Второй 20 июля в Первопрестольном Святом Эчмиадзине принял участников 12-го Всеармянского молодежного и студенческого сбора АРФ «Дашнакцутюн». Делегацию сопровождали член Бюро АРФД Овсеп Тер-Геворкян и член АРФД Армении Гегам Манукян.
-
New2025-07-21 09:26Власти США располагают доказательствами, которые позволяют предъявить обвинения участникам сговора из администрации экс-лидера Соединенных Штатов Барака Обамы во вмешательстве в ходе президентских выборов 2016 года, заявила директор Нацразведки США Тулси Габбард в интервью телеканалу Fox News.
-
New2025-07-21 09:24Президент РФ Владимир Путин принял в Кремле старшего советника верховного лидера Ирана аятоллы Али Хаменеи Али Лариджани. Об этом сообщил журналистам пресс-секретарь главы государства Дмитрий Песков, передает ТАСС.