Թեհրանը նախատեսում է նավերից վճար գանձել Հորմուզի նեղուցով տարանցման ընթացքում մատուցված ծառայությունների, ոչ թե բուն տարանցման համար։ Այս մասին հայտարարել է Իրանի փոխարտգործնախարար Քազեմ Ղարիբաբադին։
«Իրանի Իսլամական Հանրապետությունը չի ձգտում վճար գանձել անցման կամ տարանցման իրավունքի համար, խոսքը վերաբերում է Օմանի հետ համատեղ մատուցվող ծառայությունների դիմաց վճար գանձելուն։ Ծառայությունների ցանկում ներառված են նավիգացիոն և փրկարարական, անվտանգության ու պահպանության, ինչպես նաև շրջակա միջավայրի մաքրման (եթե այն փաստացի աղտոտվի) աշխատանքները»,- ասել է նա «Mehr» լրատվական գործակալությանը:
Դիվանագետն ընդգծել է, որ դա չի հակասում միջազգային իրավունքին։
Sputnik Արմենիա
