Իրանի բանակի համակարգման գծով գլխավոր հրամանատարի տեղակալ, կոնտր-ադմիրալ Հաբիբոլլահ Սայյարին հայտարարել է, որ երկրի ռազմածովային ուժերը գտնվում են մարտական պատրաստվածության գագաթնակետին և լիովին վերահսկում են Հորմուզի նեղուցից արևելք գտնվող ջրային տարածքը, հաղորդում է Mehr-ը։
Նրա խոսքով՝ Իրանի ռազմածովային ուժերի վերահսկողության տակ են նաև Հնդկական օվկիանոսի հյուսիսային մասը և Օմանի ծոցը։
Սայյարին ընդգծել է, որ առանց Իսլամական Հանրապետության թույլտվության՝ Հորմուզի նեղուցում որևէ տեղաշարժ չի իրականացվում։
Կոնտր-ադմիրալը նաև հայտարարել է, որ Իրանի ռազմածովային ուժերը շարունակում են մշտական ներկայություն պահպանել Արևմտյան Ասիայի տարածաշրջանում և պատրաստ են կատարել առաջադրված խնդիրները։
Բացի այդ, նա հայտնել է, որ Իրանի ցամաքային, ծովային և օդային սահմաններում իրավիճակը մնում է կայուն։
News.am
