«Հրապարակ» թերթը գրում է. «Վերածնվող Հայաստան» կուսակցության նախագահ, «Հայաստան» խմբակցության նախկին պատգամավոր Վահե Հակոբյանը դեռևս 2022 թվականին հայց էր ներկայացրել ընդդեմ Անդրանիկ Քոչարյանի: Ներկայացված հայցով պահանջում էր պարտավորեցնել՝ հրապարակայնորեն հերքել Հակոբյանի վերաբերյալ Հանրային հեռուստաընկերության եթերում հնչեցված զրպարտչական արտահայտությունները, ներողություն խնդրել վիրավորանքի համար և հատուցել զրպարտությամբ և վիրավորանքով պատճառված ոչ նյութական վնասը։ Հակոբյանը մասնավորապես վիրավորվել էր Քոչարյանի «մատադոր» բառից:
Տեղեկացանք, որ չորս տարվա քննությունից հետո առաջին ատյանի դատարանն ամբողջությամբ մերժել է Հակոբյանի հայցը, իսկ դատաքննությունը տարիներով ձգվել է պատասխանող կողմի՝ Անդրանիկ Քոչարյանի կողմից դատավորներին պարբերաբար բացարկ հայտնելու հետևանքով:
News.am
