ԱՄՆ նախագահ Դոնալդ Թրամփը հայտարարել է, որ ուրախ կլինի առաջադրվել երրորդ ժամկետի համար, եթե ամերիկյան օրենսդրությունը փոխվի և նրան կրկին թույլ տրվի մասնակցել նախագահական ընտրություններին։
«Մենք ունենք կանոններ և օրենքներ, որոնք ասում են, որ ձեզ չի թույլատրվում առաջադրվել։ Եթե նրանք ուզենան դա փոխել, ես շատ ուրախ կլինեմ», — ասել է Թրամփը իր կողմնակիցներին Հարավային Կարոլինա նահանգի Միրթլ Բիչ քաղաքում ունեցած ելույթի ժամանակ։
ԱՄՆ գործող Սահմանադրության համաձայն, նախագահը կարող է պաշտոնավարել երկու ժամկետիչ ոչ ավելի։ Սահմանադրության 22-րդ ուղղումը, որն ընդունվել է 1951 թվականին, սահմանում է համապատասխան սահմանափակումը։
Ներկայիս օրենսդրության պայմաններում Թրամփի երկրորդ նախագահական ժամկետը պետք է ավարտվի 2029 թվականի հունվարին։ Միևնույն ժամանակ, ամերիկացի նախագահը բազմիցս չի բացառել երրորդ ժամկետի համար առաջադրվելու իրավունք ստանալու փորձի հնարավորությունը։
Թրամփը կրկին ԱՄՆ նախագահ է դարձել 2024 թվականի նոյեմբերին՝ հաղթելով Դեմոկրատական կուսակցության թեկնածու Քամալա Հարիսին։ Իր առաջին նախագահական ժամկետը նա զբաղեցրել է 2017-ից 2021 թվականներին։
News.am
