Հայաստանում «Թրամփի ուղի» նախագծի իրականացումը հնարավորություն կտա ԱՄՆ-ի ռազմական ենթակառուցվածքը տեղակայել անմիջապես Իրանի սահմանի մերձակայքում, հայտարարել է ՌԴ Անվտանգության խորհրդի քարտուղարի տեղակալ Ալեքսեյ Շևցովը։
Նա հանդես է եկել Արևելյան տնտեսական ֆորումի «ՀԱՊԿ – ՇՀԿ․ անվտանգության տարածք» նստաշրջանում։
«Այսպես կոչված «Թրամփի ուղին» Հայաստանի տարածքով… դա Արևմուտքին, ամերիկացիներին թույլ է տալիս իրենց զորքերը կամ մասնավոր ռազմական ընկերությունները, հետախուզական ենթակառուցվածքն անմիջապես տեղակայել Հայաստանի տարածքում և Իրանի սահմանի անմիջական մերձակայքում», – ասել է Շևցովը։
News.am
