ՀԱՊԿ–ն իր հայտարարության մեջ հիշատակել է Արցախի նկատմամբ կիրառված քիմիական զենքի փաստը
ՀՀ ԱԳՆ Միջազգային անվտանգության վարչության պետ Գեորգի Քոչարյանն անդրադարձել է ապրիլի 20-ին Հաագայում, Քիմիական զենքի արգելման կազմակերպության (ՔԶԱԿ) 25-րդ համաժողովում ընդունված ՀԱՊԿ անդամ երկրների համատեղ հայտարարությանը։
ԱԳՆ մամուլի ծառայությունը հայտնում է, որ ըստ Քոչարյանի` ընդունված հայտարարությունը Հայաստանի համար հետաքրքրություն է ներկայացնում հատկապես 44-օրյա պատերազմի ընթացքում Արցախի նկատմամբ Ադրբեջանի կիրառած վտանգավոր քիմիական նյութերի, այդ թվում` սպիտակ ֆոսֆորին նմանվող նյութի օգտագործման ու թուրք-ադրբեջանական ագրեսիայի տեսակետից։
Հայտարարության մեջ մասնավորապես ասված է. «Զարմանք է առաջացնում ՔԶԱԿ քարտուղարության կողմից անտեսումը այն փաստի, որ վերջերս տարածաշրջանային հակամարտության ընթացքում կիրառվել է քիմիական նյութ, որի հասցրած վնասը մարդկանց և շրջակա միջավայրին համարժեք է քիմիական զենքի կիրառման վնասին»:
Քոչարյանն ուշադրություն է հրավիրում նաև այն փաստին, որ ՀԱՊԿ հայտարարության մեջ շեշտվում է ՔԶԱԿ քարտուղարության պարտավորությունը՝ արձագանքել մասնակից պետությունների դիմումներին և, կոնվենցիոն նորմերի համաձայն, ձեռնարկել անհետաձգելի քայլեր։
«Արցախի դեմ սանձազերծված ագրեսիայի ընթացքում Ադրբեջանի կողմից արգելված սպառազինությունների կիրառման և կատարված ռազմական հանցագործությունների մեղավորներին պատասխանատվության ենթարկելու նպատակով Հայաստանը 2020թ. հոկտեմբերից ՔԶԱԿ ղեկավար օղակներում շարունակաբար բարձրացրել է սպիտակ ֆոսֆորի նմանվող քիմիական նյութի պարունակությամբ զենքի կիրառման փաստը քննելու նպատակով ՔԶԱԿ փաստահավաք առաքելություն Արցախ գործուղելու անհրաժեշտության հարցը՝ ներկայացնելով համապատասխան տեղեկատվական նյութեր` ներառյալ արտասահմանյան փորձագետների կողմից նախապատրաստված զեկույցը»,– արձանագրում է Քոչարյանը։
Նշենք, սակայն, որ ՀԱՊԿ հայտարարության մեջ Արցախի, Հայաստանի և Ադրբեջանի անունները չեն հիշատակվում։
ПОСЛЕДНИЕ ОТ АВТОРА
-
2025-06-14 15:51
Верховный лидер Ирана Али Хаменеи назначил Маджида Мусави командующим военно-космическими силами Корпуса стражей исламской революции Ирана, отвечающими за ракетный потенциал республики.
-
2025-06-14 15:48
Иран официально уведомил Францию, Великобританию и США о том, что он начнет очень масштабные атаки против Израиля, сообщает Telegram-канал Mehr.
-
2025-06-14 15:47
Азербайджан ожидает от Армении конкретных шагов по реализации Зангезурского коридора, который имеет стратегическое значение для всего региона. об этом заявил помощник президента Азербайджана Хикмет Гаджиев, выступая на панельной дискуссии «Средний коридор: новая геополитическая и экономическая линия жизни» в рамках форума GLOBSEC-2025.
-
2025-06-14 15:44
Все представители Ирана, участвовавшие в переговорах с США по ядерной сделке, были убиты в ходе ударов Израиля по иранской территории. Об этом рассказал президент США Дональд Трамп в разговоре с журналисткой CNN Даной Баш.