2025-02-10 17:25
Информагентства
ԶՊՄԿ ղեկավար․ Կանգնեցվել է Հայաստանում ամենամեծ ձեռնարկության և հարկատուի գործունեությունը
Հայաստանի ամենամեծ ձեռնարկության՝ Զանգեզուրի պղնձամոլիբդենային կոմբինատի գործունեությունը, որով հպարտանում էին բոլորը, կասեցվել է։ Այս մասին «SYUNIK TV» մարզային հեռուստաալիքի հարցազրույցում ասել է ԶՊՄԿ գլխավոր տնօրեն, Geopromining ընկերությունների խմբի նախագահ Ռոման Խուդոլիյը։
Ըստ նրա՝ խոսքն, ըստ էության, Հայաստանի ամենախոշոր հարկատուի մասին է, որն իրականում ձևավորում է երկրի պետական բյուջեն։ «Ամբողջ համայնքի և 4 600 հոգանոց կոլեկտիվի կյանքը կախված է նրա գործունեությունից», - ասել է Խուդոլիյը:
Նա նշել է, որ ԶՊՄԿ գործունեությունը դադարեցվել է մի խումբ անձանց գործողությունների պատճառով։ Սակայն ձեռնարկության տնօրենն անհիմն է համարել նրանց փաստարկները։
«Այն, որ կոմբինատի վրա ցանկացած ճնշում պայմանավորված է նրա հսկայական կարևորությամբ, ակնհայտ է բոլորի համար։ Ակնհայտ է, որ տարբեր ուժեր ցանկանում են ստեղծված իրավիճակն օգտագործել իրենց անձնական շահերի համար։ Սրանք ուժեր են, որոնք ցանկանում են իրենց վերահսկողությունը հաստատել կոմբինատի վրա»,- ընդգծել է Խուդոլիյը։
Նրա խոսքով՝ վերջին երեք տարիների ընթացքում ձեռնարկության ղեկավարությունը և թիմը հսկայական աշխատանք են կատարել։ Խոսքը, մասնավորապես, վերաբերում է արտադրության արդիականացմանը, նոր սարքավորումների ձեռքբերմանը, արտադրության ավելացման ռազմավարություններին, կառավարման համակարգերին, հոսքագծերին և այլն։
Զանգեզուրի պղնձամոլիբդենային կոմբինատն արդեն 11-րդ օրն է պարապուրդի է մատնված։ Գործադուլ հայտարարած ԶՊՄԿ 700 աշխատակիցները պահանջում են աշխատավարձի արժանապատիվ բարձրացում՝ անընդունելի համարելով ղեկավարության առաջարկները։
Զանգեզուրի պղնձամոլիբդենային կոմբինատը (ԶՊՄԿ) Հայաստանի ամենամեծ հարկատուն է 2024թ. արդյունքներով։
News.am
ПОСЛЕДНИЕ ОТ АВТОРА
-
New2025-06-19 16:41Около 550 граждан России были эвакуированы через Армению и Азербайджан в период с 14 июня, сообщила на брифинге официальный представитель МИД РФ Мария Захарова.
-
New2025-06-19 16:40Глава мониторинговой миссии ЕС в Армении (EUMA) Маркус Риттер вновь опроверг обвинения Азербайджана в разведывательной деятельности. Слова Риттера приводит Armenpress.
-
New2025-06-19 16:36100% акций ЗАО «Электрические сети Армении» заложены в международных финансовых организациях. Согласие на данную сделку дало само Правительство Армении 27 августа 2021 года, а 1 сентября – Комиссия по регулированию общественных услуг республики. Об этом пишет Factor.am.
-
New2025-06-19 16:36Представители Международного комитета Красного Креста в июне навестили армян, удерживаемых в Азербайджане. Об этом руководитель коммуникационных программ делегации МККК в Армении Зара Аматуни сообщила Sputnik Армения.