Թեհրանը Կասպից ծովում իրանական նավին հասցված ուկրաինական հարվածը ահաբեկչական հարձակում է համարում։ ՌԻԱ Նովոստիի հետ զրույցում այս մասին ասել է Մոսկվայում Իրանի դեսպան Քազեմ Ջալալին։
Ավելի վաղ Իրանի արտաքին քաղաքական գերատեսչությունը հայտնել էր, որ Ուկրաինան հուլիսի 25-ին ռազմական հարձակում է իրականացրել Կասպից ծովում իրանական առևտրային նավի վրա:
«Դա միտումնավոր հարձակում էր Իրանի դրոշի ներքո առևտրային բեռ տեղափոխող քաղաքացիական նավի վրա։ Դա համարվում է ահաբեկչական և հանցավոր գործողություն, որի հետևանքով մեկ մարդ զոհվել է, իսկ մի քանիսը՝ վիրավորվել», – նշել է Ջալալին։
Դիվանագետը հիշեցրել է, որ Ուկրաինայի արտգործնախարարի պաշտոնակատար Անդրեյ Սիբիհան ներողություն է խնդրել միջադեպի համար, սակայն Ուկրաինան պետք է փոխհատուցի պատճառված բոլոր վնասները, իսկ նրա եվրոպացի և ամերիկացի կողմնակիցները պետք է պատասխանատվություն կրեն Կիևի գործողությունների համար։
Sputnik Արմենիա
