«Ուժեղ Հայաստան» կուսակցության նախագահ Սամվել Կարապետյանն առաջարկում է դիմել ՌԴ-ի, Չինաստանի, ԱՄՆ–ի, ԵՄ–ի և մի շարք այլ առանցքային երկրների ղեկավարներին` հրավիրելով նրանց մասնացելու միասնական ընդդիմության առաջին խորհրդի նիստին։ Այս մասին նա այսօր ասաց լրատվամիջոցների հետ հանդիպման ժամանակ։
Նա կարծում է, որ այդ նիստին պետք է հրավիրել նաև շատ այլ երկրների դեսպանների, միջազգային կառույցների ղեկավարներին, որպեսզի նրանք լսեն հայաստանյան միասնական ընդդիմության մտահոգությունները։
Կարապետյանը նաև տեղեկացրեց, որ շուտով բոլոր ընդդիմադիր ուժերով կհրավիրեն հանրահավաք, որը նա ցանկանում է կոչել «Ուժեղ և վստահելի հանրահավաք»։
«Միայն այդ դեպքում մենք կարող ենք մեր ժողովրդի ռեալ աջակցությունը ստանալ»,– ընդգծեց նա։
Sputnik Արմենիա
