Հայաստանի դատարանները չեն կարողանա քրեական գործը 1 տարուց ավել քննել։ Ազգային ժողովը երկրորդ և վերջնական ընթերցմամբ ընդունեց ՀՀ քրեական դատավարության օրենսգրքում համապատասխան փոփոխությունների նախագիծը։
Դատավորը կարող է այդ ժամկետը մեկական տարով երկարաձգել ոչ ավելի, քան երկու անգամ` գործին անպայման կցելով համապատասխան հիմնավորումները: Եթե դատավորը չի տեղավորվում այդ ժամկետներում կամ անհիմն երկարաձգում է գործը, Բարձրագույն դատական խորհուրդը կարող է նշանակել տույժեր, սակայն քրեական հետապնդումը չի դադարեցվի։
Բացի այդ, եթե քրեական գործով դատավորը փոխվի, նա գործը կքննի ոչ թե սկզբից, այլ նախորդի փոխանցած կետից։
Sputnik Արմենիա
