Ֆուտբոլի աշխարհի առաջնությունն այսօր մեկնարկել է Ամերիկա մայրցամաքում։ Բացման արարողությունը տեղի է ունեցել Մեխիկոյում։
Մեքսիկայի մայրաքաղաքի «Ացտեկա» մարզադաշտում տարբեր երկրներից հավաքված ֆուտբոլասերները հնարավորություն ունեցան տեսնել շքեղ շոու, որի ժամանակ ելույթ ունեցավ հայտնի երգչուհի Շակիրան։
Բացման խաղում տանտերերը՝ Մեքսիկայի հավաքականը, մրցում են Հարավաֆրիկյան Հանրապետության թիմի հետ։
Նշենք, որ պատմության մեջ առաջին անգամ ֆուտբոլի աշխարհի առաջնությունն անցկացվում է երեք երկրներում՝ Մեքսիկայում, ԱՄՆ-ում և Կանադայում։ Բացի այդ, առաջին անգամ դրան մասնակցում է ավելի քան քառասուն թիմ։ Բոլոր մայրցամաքները ներկայացնում են 48 ազգային հավաքականները։
Sputnik Արմենիա
