ԱՄՆ նախագահ Դոնալդ Թրամփի հատուկ պատվիրակ Սթիվ Ուիտկոֆը և ԱՄՆ առաջնորդի փեսան՝ Ջարեդ Քուշները, առաջիկա օրերին մտադիր են ժամանել Կիև և Մոսկվա, գրում է RT-ն՝ հղում անելով իր աղբյուրին։
Ավելի վաղ ՌԴ նախագահ Վլադիմիր Պուտինը հայտարարել էր, որ Ուիտկոֆն ու Քուշները միշտ ցանկալի հյուրեր են Ռուսաստանում։
Ռուսական ուղղակի ներդրումների հիմնադրամի ղեկավար Կիրիլ Դմիտրիևը նշել էր, որ պետության ղեկավարը վստահում է ամերիկացի բանակցողներ Ուիտկոֆի և Քուշների մոտեցմանը ուկրաինական հակամարտության կարգավորման հարցում։
Սեպտեմբերի 3-ին Արևելյան տնտեսական համաժողովի լիագումար նիստում Ռուսաստանի նախագահը հայտարարել է, որ ուկրաինական հակամարտության խաղաղ կարգավորման հնարավորություններ կան, սակայն միմյանց հետ առաջին հերթին պետք է պայմանավորվեն Ռուսաստանն ու Ուկրաինան։
Sputnik Արմենիա
