Հոկտեմբերի 18-ին, ժամը 16:30-ին, Ազատության հրապարակում «Մեր ձևով» ժողովրդական շարժումը հրավիրում է հանրահավաք՝ ի աջակցություն ապօրինի կալանավորված ազգային բարերար Սամվել Կարապետյանի, Հայ Առաքելական Սուրբ Եկեղեցու սրբազան հայրերի և բոլոր քաղբանտարկյալների:
Alpha News-ի հետ զրույցում Սամվել Կարապետյանի պաշտպան Արամ Վարդևանյանն անդրադառնալով վաղը նախատեսված հանրահավաքին, նշեց, որ քաղաքական հետապնդումները, ապօրինի կալանավորումները կանխարգելելու լավագույն միջոցը բողոքի ձայնը բարձրացնելն ու ոչ ասելն է ապօրինություններին:
«Մեր ցանկացած հայրենակից, ով վաղը մասնակցելու է Ազատության հրապարակում հրավիրված հանրահավաքին, միանալու է այն գործընթացին, որ եկեք վերջ տանք ապօրինություններին, անարդարությանը և եկեք բոլորվ արձանագրենք մի տրիվիալ ճշմարտություն. թող իրավունքը գերակայի, թող արդարությունը հասանելի լինի բոլորին և թող իրապես արդարադատությունն իրական, տեսանելի ու մատչելի լինի»,- ասաց Արամ Վարդևանյանը:
