Հայաստանում Բելառուսի նոր դեսպանի նշանակման հարցը պետք է ուղղել հայկական կողմին։ Այս մասին լրագրողներին հայտնել է Բելառուսի գործերի ժամանակավոր հավատարմատար Ինեսա Կուդրուկը։
«Այդ հարցը պետք է տալ հայկական կողմին» – նշել է նա՝ հավելելով, որ նման որոշումներն ընդունվում են բարձրագույն ղեկավարության մակարդակով։
Նշենք, որ Հայաստանում Բելառուսի դեսպանի պաշտոնը թափուր է ավելի քան մեկ տարի: Ալեքսանդր Կոնյուկն այդ պաշտոնից ազատվեց 2025 թվականի ապրիլին։ Ըստ հայկական լրատվամիջոցների՝ նրա հետկանչը կարող էր նախաձեռնված լինել Երևանի կողմից։
Հայաստանն էլ 2024 թվականի հունիսից դեսպան չունի Բելառուսում։ Ռազմիկ Խումարյանը հետ կանչվեց «խորհրդակցությունների համար» և այդ ժամանակից ի վեր չի վերադարձել Բելառուս, թեև պաշտոնապես պահպանում է դիվանագիտական կարգավիճակը:
Հիշեցնենք` Երևանի և Մինսկի հարաբերությունները սրվեցին Բելառուսի նախագահ Ալեքսանդր Լուկաշենկոյի՝ Արցախյան պատերազմի մասին հայտարարություններից հետո: Ավելի ուշ ՀՀ վարչապետ Նիկոլ Փաշինյանը հայտարարեց, որ հայ պաշտոնյաները չեն այցելի Բելառուս, քանի դեռ Լուկաշենկոն է իշխանության ղեկին:
Sputnik Արմենիա
