Ղազախստանը կարող է Հայաստանի տարածքով դեպի Թուրքիա նոր առևտրային երթուղի բացել։ Այս մասին լրագրողներին հայտնել է երկրի էկոնոմիկայի նախարար Սերիկ Ժումանգարինը։
Նրա խոսքով` հայկական տարածքով երթուղին Աստանային ուղիղ մուտք կապահովի դեպի թուրքական նավահանգիստներ։
«Հիմա մենք Ադրբեջանի տարածքով գնում ենք Վրաստան` Սևծովյան նավահանգիստներ։ Նոր երթուղին թույլ կտա դուրս գալ Նախիջևան, այնուհետև անմիջապես Թուրքիա` նրա ծովային նավահանգիստներ»,-նշել է նախարարը։
Նշենք, որ ՀՀ վարչապետ Նիկոլ Փաշինյանը պաշտոնական այցով Ղազախստանում է։
Sputnik Արմենիա
