«Հաղթանակ» դաշինքի դիմումը պաշտոնապես ներկայացված է։ Այս մասին իր ֆեյսբուքյան էջում գրել է դաշինքի նախընտրական ցուցակը գլխավորող, Էջմիածնի քաղաքապետի թեկնածու Սևակ Խաչատրյանը։
«Այսօր ընտրական հանձնաժողով ներկայացրեցինք «Հաղթանակ» դաշինքի դիմումը՝ Վաղարշապատ համայնքի 2025-ի նոյեմբերի 16-ին կայանալիք ավագանու ընտրություններին մասնակցելու վերաբերյալ: Գնում ենք բացարձակ հաղթանակի…»,– գրել է նա։
Նշենք, որ այս դաշինքում ընդգրկված են ՀՅԴ–ն և «Առաջ» աջակենտրոն կուսակցությունը։ Սևակ Խաչատրյանը «Առաջ» կուսակցության գործադիր կոմիտեի նախագահն է։
Հիշեցնենք, որ Էջմիածնում ՏԻՄ ընտրությունները տեղի կունենան նոյեմբերի 16–ին։
News.am
