Последние новости

Այս պահի դրությամբ ունենք 12 մահ. կորոնավիրուսից առավոտյան 81-ամյա պացիենտ է մահացել

1 հոգի էլ այսօր առավոտյան մահացավ, դա դեռ չենք հայտնել, ընդհանուր 12 մահ ունենք։ Այս մասին այսօր՝ ապրիլի 10–ին, Առողջապահության և սոցիալական հարցերի մշտական հանձնաժողովի նիստի ժամանակ ասաց առողջապահության նախարար Արսեն Թորոսյանը։

«81 տարեկան քաղաքացի էր՝ ծանր հիվանդությւոններով, դա արդեն վաղվա թվերի մեջ կերևա։ Մեր խնդիրն է մահերի թիվը ցածր պահելով գնալ առաջ։ Մենք չենք կարող համարել, որ կորոնավիրուսի տարածումը կանգնում է և 100 տոկոս մարում է, որովհետև առաջ եթե մենք ունենում էի 50 դեպք , բայց 1 աղբյուրից, օրինակ մի մեծ արտադրամասի 50 աշխատող, հիմա ունենում ենք 16, 20, 30 դեպք, բայց 10 կամ 20 տարբեր աղբյուրներից։ Վիրուսի վերահսկողությունը դուրս է եկել վերահսկողությունից, մեր խնդիրն է ամեն հնարավոր դեպքը գտնել և անել նույն գործողություները, որ արել ենք մինչև հիմա,՝ տեստավորել հաստատել, մեկուսացնել շրջանակը, բուժել և առողջացած դուրս թողնել և այդ գործողությունը պետք է անենք այնքան, քանի դեռ ուժ ունենք, երբ որ կլինենք ուժասպառ՝ ազգովի, երկրով մեկ, այդ ժամանակ որոշ գործողություններ արանքից կհաննեք, միայն տեստավորումն ու բուժումը կթողնենք»,– ասաց նախարարը։

Ավելի վաղ հայտնել էինք, որ «Սուրբ Գրիգոր Լուսավորիչ» բժշկական կենտրոնում, այսօր 72-ամյա պացիենտ է մահացել: Առողջապահույան նախարարի մամուլի խոսնակ Ալինա Նիկողոսյանը ֆեյսբուքյան իր էջում գրել էր, որ 72-ամյա պացիենտն ունեցել է կորոնավիրուսային հիվանդություն, հաստատված երկկողմանի թոքաբորբ։ Բացի այդ, տղամարդն ունեցել է ուղեկցող խրոնիկ հիվանդություններ՝զարկերակային գերճնշում, շագանակագեղձի ադենոմա։

Ընդհանուր առմամբ՝ ապրիլի 10-ին հաստատվել է կորոնավիրուսի 937 դեպք: Բացասական արդյունք է արձանագրվել 5160 (վերջին մեկ օրում՝ 258) թեստավորման դեպքում: Փաստացի այս պահին բուժվում է 777 անձ (վերջին մեկ օրում ավելացել է 4-ով): Վերջին տվյալներով ապաքինվել է 149 անձ (վերջին մեկ օրում՝ 11 մարդ), 12 պացիենտ մահացել է, տեղեկացնում է News:

    ПОСЛЕДНИЕ ОТ АВТОРА






    ПОСЛЕДНЕЕ ПО ТЕМЕ