Լյուքսեմբուրգի պատգամավորների պալատն ընդունել է Արցախի վերաբերյալ բանաձև
Լյուքսեմբուրգի Մեծ Դքսության պատգամավորների պալատը միաձայն ընդունել է Արցախի դեմ Ադրբեջանի, Թուրքիայի և ջիհադիստների գործողությունները դատապարտող բանաձև: Այդ մասին Ֆեյսբուքի էջում գրել է Նիդեռլանդներում և Լյուքսեմբուրգում ՀՀ դեսպան Տիգրան Բալայանը, տեղեկացնում է ArmRadio.am-ը:
Բանաձևի տեքստը ստորև.
«Պատգամավորների պալատը՝
· Նշելով 2020 թ․ սեպտեմբերի 27-ին Ադրբեջանի կողմից ռազմական գործողությունների սանձազերծումը, որը նպատակ ուներ հասնել Լեռնային Ղարաբաղի տարածաշրջանի նկատմամբ վերահսկողությանը՝ Մինսկի խմբի գործընթացի և Մադրիդյան սկզբունքների ոտնահարմամբ, որոնք պարտավոր են հարգել Հայաստանը և Ադրբեջանը,
· Հաշվի առնելով, որ Թուրքիան որոշիչ ռազմական և քաղաքական աջակցություն է ցուցաբերել Ադրբեջանին՝ Լեռնային Ղարաբաղի հայկական ուժերի դեմ իր գործողություններում՝ տեղակայելով ջիհադիստ վարձկանների և տրամադրելով ռազմական տեխնիկա,
· Արձանագրելով, որ պատերազմի և մինչ այդ Լեռնային Ղարաբաղի կողմից կառավարվող հազարավոր քառակուսի կիլոմետրերի օկուպացիայից հետո Լեռնային Ղարաբաղի հայկական բնակչության անվտանգությունն ու ազատությունը երաշխավորված չեն, և որ պատերազմական հռետորաբանությունը պահպանվում է ինչպես Ադրբեջանի, այնպես էլ Թուրքիայի կողմից,
· Նկատի ունենալով երրորդ երկրների, մասնավորապես, Թուրքիայի ներգրավվածությամբ պայմանավորված բարդությունները, և սպառնալիքը, որը կներկայացներ լայնամասշտաբ պատերազմը Հարավային Կովկասում,
· Հաշվի առնելով, որ 2020 թ. սեպտեմբերի 27 ին հակամարտության վերսկսումը, որը ապացուցեց որ «սառեցված հակամարտությունները» կարող են ծայրահեղ բռնկումների բերել և պայթել ամեն պահի, կարիք ունեն առանձնահատուկ լուծման,
· Արձանագրելով, որ ԵԱՀԿ-ն և ՄԱԿ-ը դեռևս չեն կարողացել Լեռնային Ղարաբաղում գտնել հարատև խաղաղության լուծում,
· Նշելով, որ Եվրոպական Միությունն ունի պատասխանատվություն՝ ապահովելու կայունությունը իր հարևանությունում և որ այն հայտարարել է խաղաղ և բարգավաճ Հարավային Կովկասում համաձայնությանը նպաստելու պատրաստակամության մասին,
Կոչ է անում կառավարությանը՝
· Պահանջել քաղաքական գործընթացի պատրաստակամություն՝ հասնելու համար Լեռնային Ղարաբաղի վերջնական կարգավիճակի և այս համատեքստում եվրոպական գործընկերների հետ աջակցել ԵԱՀԿ Մինսկի խմբի համանախագահների ջանքերին,
· Պահանջել մարդասիրական կազմակերպությունների շարունակական մուտքը Լեռնային Ղարաբաղ՝ ապահովելու համար արագ և համապատասխան անհետաձգելի օգնություն և նպաստել Լեռնային Ղարաբաղի հայերին աջակցության ծրագրի մշակմանը, ինչը թույլ կտա վերակառուցել այդ տարածքի ենթակառուցվածքները,
· Ակնկալել խստորեն հարգել Հայաստանի և Ադրբեջանի միջև Ռուսաստանի հովանու ներքո նոյեմբերի 9-ին կնքված հրադադարը՝ խուսափելու համար մարդկային կյանքերի նոր կորուստներից, ապահովելու համար մարդու իրավունքների պահպանումը և գերիների ու զոհերի մարմինների արագ փոխանակումը,
· Ակնկալել անցկացնել ռազմական հանցագործությունների անկախ հետաքննություն, որոնք մեծ քանակով արձանագրված են, այդ թվում՝ կասետային զինատեսակների կիրառումը, քաղաքացիական ենթակառուցվածքների դեմ հարձակումը, սպիտակ ֆոսֆոր պարունակող զինատեսակների կիրառումը և ռազմագերիների հավաքական գնդակահարությունը, որոնց հեղինակները պետք է պատասխան տան իրավասու մարմինների առաջ,
· Համագործակցել միջազգային գործընկերների հետ՝ երաշխավորելու համար բոլոր փախստականների և Լեռնային Ղարաբաղի տարածաշրջանից և հարակից շրջաններից տեղահանված անձանց՝ իրենց հայրենի օջախ վերադառնալու իրավունքի իրականացումը և նրանց անվտանգ կյանքի երաշխավորումը,
· Անհրաժեշտության դեպքում ճնշում գործադրել Ադրբեջանի վրա, որպեսզի վերջինս կարգավորի իր տարածքում պարփակված հայկական բնակչության հետ հարաբերությունները և պատժամիջոցների ենթարկել ադրբեջանական քաղաքական և սոցիալական դերակատարներին, ովքեր կշարունակեն ատելություն և բռնություն իրականացնել հայերի նկատմամբ,
· Աչալուրջ լինել, որպեսզի երաշխավորվի հայկական վանքերի, եկեղեցիների և մշակութային հուշարձանների պահպանությունը»։
ПОСЛЕДНИЕ ОТ АВТОРА
-
2024-09-27 05:53
Никол Пашинян не исключил изменений в Конституции Армении после подписания мирного договора с Азербайджаном, о чем заявил на сессии Генассамблеи ООН в Нью-Йорке.
-
2024-09-27 05:49
Госсекретарь США Энтони Блинкен в ходе трехсторонней встречи с главами МИД Армении и Азербайджана Араратом Мирзояном Джейхуном Байрамовым заявил, что мирное соглашение повысит стабильность в регионе. Об этом говорится в заявлении представителя Госдепа США Мэтью Миллера.
-
2024-09-27 05:45
Мэру Нью-Йорка Эрику Адамсу предъявлены федеральные обвинения, в том числе во взяточничестве, заговоре и нарушениях при финансировании предвыборной кампании, сообщает CBS News.
-
2024-09-27 05:41
Президент Турции Реджеп Тайип Эрдоган заявил, что сотрудничество с БРИКС и АСЕАН открывает для Анкары новые экономические возможности, но не означает отказа от участия в НАТО. Его слова приводит РИА Новости.