2020-12-26 10:03
Информагентства
ԿՈՄԻՏԱՍԻ ՄԱՍԻՆ «ՍՈՂՈՄՈՆԻ ԵՐԳԵՐԸ» ՖԻԼՄԸ ԿՆԵՐԿԱՅԱՑՆԻ ՀԱՅԱՍՏԱՆԸ «ՕՍԿԱՐ»-Ի 93-ՐԴ ՄՐՑԱՆԱԿԱԲԱՇԽՈՒԹՅԱՆԸ (ՏԵՍԱՆՅՈՒԹ)
Հայաստանն Ամերիկյան կինոակադեմիայի 93-րդ մրցանակաբաշխության «Լավագույն օտարալեզու ֆիլմ» անվանակարգում առաջադրելու համար ընտրել է Արման Նշանյանի «Սողոմոնի երգերը» ֆիլմը, հայտնում է Variety-ն։
Սցենարը գրել է Օդրի Գևորգյանը, ֆիլմի հիմքում Սիրվարդ Կավուկչյանի գրած պատմությունն է։ Ժապավենը ներկայացնում է Կոմիտասի կյանքի պատմությունը, որը, ըստ պարբերականի, խորն ազդեցություն է ունեցել էթնոերաժշտության վրա։ Ժապավենն ընդգրկում է 1881-1915թթ. ընկած ժամանակահատվածը, որն առնչվում է ինչպես Հայոց ցեղասպանությանն, այնպես էլ Կոմիտասի վերջին համերգին։
Ֆիլմում խաղացել են Սամվել Թադևոսյանը, Արևիկ Գևորգյանը, Տաթև Հովակիմյանը, Սոս Ջանիբեկյանը, Արման Նշանյանը, Արտաշես Ալեքսանյանը և Ժան Նշանյանը, ինչպես նաև փոքրիկ դերասաններ Սլավա Սեյրանյանը, Իռեն Այվազյանը և Մերի Հովսեփյանը։
Պարբերականը նշել է, որ Հայաստանում նոյեմբերի 26-ին թողարկված ֆիլմի պրոդյուսերներն են Նիք Վալելոնգան, Ասքո Հակոբյանը և Նշանյանը։ Գլխավոր պրոդյուսերը Կարո Կավուկչյանն է։ Նիք Վալելոնգան Կինոակադեմիայի մրցանակ է շահել «Լավագույն ֆիլմ» և «Լավագույն սցենար» անվանակարգերում հաղթած 2018թ.-ի «Կանաչ գիրքը» (Green Book) ֆիլմի համար։ «Սողոմոնի երգերը» ԱՄՆ-ում կցուցադրվի 2021թ.-ին։
«Օսկար» 93-րդ մրցանակաբաշխությունը COVID-19-ի համավարակի հետևանքով 2021թ.-ի փետրվարի 28-ի փոխարեն տեղի կունենա երկու ամիս անց՝ ապրիլի 25-ին։
ПОСЛЕДНИЕ ОТ АВТОРА
-
2025-07-25 19:46Грузия в двенадцатый раз принимает многонациональные военные учения Agile Spirit. Официальное открытие учений состоялось в Совместном учебно-оценочном центре НАТО–Грузия в Крцаниси.
-
2025-07-25 19:45Внешнеторговый оборот Армении в январе-июне 2025 года сократился на 45% по сравнению с аналогичным периодом предыдущего года, составив 9 млрд 668 млн долларов США.
-
2025-07-25 19:42На территории автовокзала Аштарака состоялась акция протеста. Жители города жалуются на компанию «Мульти транспорт», говорят о плохой работе транспорта и росте цен за проезд.
-
2025-07-25 19:40Сотрудники МВД Армении усилят дежурство в день праздника Вардавар, который будет отмечаться 27 июля. Об этом сообщили в пресс-службе полиции.