2021-01-09 15:17
Информагентства
«Հայրենիքի փրկության շարժումը» չի լռել և չի լռելու. Իշխան Սաղաթելյան
«Հայրենիքի փրկության շարժումը» չի լռել, չի լռելու. այս մասին Tert.am-ի հետ զրույցում ասաց շարժման համակարգող, ՀՅԴ ԳՄ ներկայացուցիչ Իշխան Սաղաթելյանը՝ պատասխանելով հարցին, թե ինչու է ընդդիմությունը լուռ ու ինչ անելիքներ ունեն առաջիկայում, քանի որ իրենք էին հայտարարում, թե Նիկոլ Փաշինյանի՝ մեկ օր ավելի մնալն իշխանության, վնաս է երկրին:
Սաղաթելյանը չհամաձայնեց դիտարկումներին, թե իրենք լռել են: «Անցնող 7 օրերի ընթացքում մի քանի հայտարարություններով և պահանջներով ենք հանդես եկել, պարզապես փողոցային, զանգվածային ակցիաներ չենք արել անցնող շաբաթվա ընթացքում՝ նկատի ունենալով այն պայմանները, որ ամբողջ պետական համակարգը չի աշխատել, և բողոքի, անհնազանդության ակցիաներն այս օրերին արդյունավետ չէին լինի»,- ասաց նա:
Սաղաթելյանը նշեց՝ փոխարենն այս ժամանակահատվածն օգտագործել են և պլանավորել իրենց առաջիկա աշխատանքները կազմակերպելու, ծրագրերը թարմացնելու, անցած աշխատանքները գնահատելու համար: «Մենք առաջիկա օրերին կվերսկսենք մեր պայքարը՝ իրավական ճանապարհով, փողոցային անհնազադության ակցիաներով, նաև ասեմ՝ պլանվորված են մարզային այցելություններ: Առաջիկա օրերին հանդիպումներ տեղի կունենան Վանաձորում, Գյումրիում, Սյունիքում: Մեր ծրագրերն ամբողջությամբ մեծ թափով շարունակվելու են այնքան ժամանակ, քանի դեռ չենք հեռացրել այս գերագույն գլխավոր դավաճանին»,- վստահեցրեց նա:
Անդրադառնալով հունվարի 11-ին Նիկոլ Փաշինյանի Մոսկվա այցին և հնարավոր փաստաթղթի ստորագրմանը, Սաղաթելյանն ասաց, որ երեկ հայտարարություն են տարածել, այսօր էլ ակնկալում են ԱԳ նախարարի, ԳՇ պետի, ԱԱծ տնօրենի հետ հանդիպում: Նա նշեց, որ այդ հանդիպումներից հետո կամփոփեն ու համապատասխան հայտարարությամբ հանդես կգան:
Ճշտող հարցին՝ այդ պաշտոնյաների կողմից արձագանք եղե՞լ է այսինքն պատրա՞ստ են իրենց հետ հանդիպման, նա ասաց, որ արդեն արձագանք կա, վերջնական լինի՝ կտեղեկացնեն:
Ինչ վերաբերում է քննադատություններին, թե Շարժումը չի դիմում վճռական գործողությունները, Սաղաթելյանը նշեց, որ երբ հանրությունն ասում է ավելի վճռական գործողություն, պետք է հասկանալ՝ ինչ նկատի ունի դրա տակ: «Ես կարծում եմ՝ մենք անցնող երկու ամսվա ընթացքում պակաս վճռական գործողություններ չենք արել և Շարժումն այս ժամանակահատվածում ունեցել է մի շարք ձեռքբերումներ: Այսօր որ Նիկոլը չունի իրական իշխանություն, դա այս Շարժման հաջողությունն է: Երբ անցնող երկու ամսվա ընթացքում բազմաթիվ կազմակերպություններ, անհատներ հայտարարություններ են արել, միավորվել են, դա այսօր փողոցում պայքարող քաղաքացիների և Շարժման արձանագրած հաջողությունն է»,- ասաց նա:
Նա հավելեց. «Այսօր շատ պատգամավորներ, որ լքում են այդ դավաճանի թիմին, դա ևս Շարժման հաջողությունն է, բայց վերջնական հաջողության չենք հասել, քանի որ դեռ ինքը շարունակում է կառչած մնալ աթոռին: Չենք հասել, որովհետև նա ցուցաբերում է աներեսություն, աթոռամոլություն, Փաշինյանն իրեն այլևս իրավամբ չպատկանող աթոռին է կառչած, ինքը մերժեց քաղաքակիրթ և անցնցում ճանապարհով հեռանալը, մենք պետք է ստեղծենք իրավիճակ, որ Հայաստանում նա շարժվելու և գործունեություն ծավալելու իրավունք և հնարավորություն չունենա, որովհետև այդ գործունեությունը չի բխում մեր պետության ու ժողովրդի շահերից»:
Սաղաթելյանն օրինակ բերեց, որ Նիկոլ Փաշինյանը չի կարողացել գնալ Սյունիք, չի կարողացել մասնակցել պատարագին: «Նա սեփական երկրում որպես վարչապետ չի կարողանում այս երկրի մեջ շարժվել, սա հաջողությո՞ւն է Շարժման կողմից, թե՝ ոչ: Իսկ այն քաղաքացիները, որ ասում են վճռական չենք, պետք է հասկանանք ի՞նչ են ուզում իրենք: Եթե ակնկալում են, որ պետք է մտնենք, սպանենք, մենք այդ ճանապարհը չենք ընտրել»,- եզրափակեց նա:
ПОСЛЕДНИЕ ОТ АВТОРА
-
2025-07-02 19:46Первого июля Нацсобрание Армении по инициативе правительства созвало внеочередную сессию. В повестку дня включено в общей сложности 22 вопроса. Один из вопросов повестки — дополнения в законы РА «Об органе по регулированию общественных услуг» и «Об энергетике». Они предназначены для назначения государственного управляющего компанией «ЭСА», принадлежащей президенту «Ташир групп» Самвелу Карапетяну (арестован 19 июня по обвинению в публичных призывах к захвату власти после поддержки ААЦ на фоне нападок властей).
-
2025-07-02 19:39Комиссия по внешним отношениям Палаты представителей Бельгии 2 июля одобрила резолюцию по ситуации в Нагорном Карабахе и необходимости мира на Южном Кавказе.
-
2025-07-02 19:38Правительство Армении 8 месяцев не может выбрать замминистра по линии энергетики (в министерстве территориального управления и инфраструктур – ред), но при этом хочет найти целый управленческий штат для "Электросетей Армении". Об этом заявил в видеообращении на своей официальной странице в соцсети вице-президент группы компаний "Ташир" Нарек Карапетян.
-
2025-07-02 19:09Мотивом убийств, в которых обвиняются задержанные в Екатеринбурге уроженцы Азербайджана, стал конфликт из-за раздела сфер влияния в бизнесе. Об этом ТАСС сообщила официальный представитель СК РФ Светлана Петренко.