Последние новости

Լևոն ԵՐԱՆՈՍՅԱՆ․ ԷԴՔԱՆ Է ՆԻԿՈԼԻ ԽԵԼՔԸ ՀԱՍՆՈՒՄ, ԴՐԱ ՀԱՄԱՐ ԷԼ ՏԱՆՈՒԼ ՏՎԵՑ ՊԱՏԵՐԱԶՄԸ

«Մենք հաղթած բանակ էինք։ Տեսաք՝ ինչ կատարվեց»,- դատական նիստից հետո լրագրողների հետ զրույցում ասաց ՀՀ նախկին փոխոստիկանապետ Լևոն Երանոսյանը։

Հարցին՝ ինչպե՞ս կմեկնաբանի նոյեմբերի 9-ին ստորագրված եռակողմ հայտարարությունը, նա պատասխանեց, որ քաղաքականությամբ չի զբաղվում. «Այդ հարցին չեմ պատասխանի այս պահին։ Թող քաղաքական գործիչները վերլուծեն, դրանից հետո կզրուցենք»:

Լրագրողի հարցին, թե նա նշում է, որ հաղթած բանակ է, սակայն կապիտուլյացիոն փաստաթուղթ ստորագրվեց, Հայաստանը պարտված կողմ է, նախկին փոխոստիկանապետն ասաց. «Թող այդ հարցին Նիկոլը պատասխանի»։

Դիտարկմանը՝ ասում է այլընտարնք չկար, Լ. Երանոսյանն արձագանքեց. «Էդքան է իր խելքը հասնում, դրա համար էլ տանուլ տվեց պատերազմը»։

Ինչ վերաբերում է պատերազմի օրերին տարածվող հակասական լուրերին՝ Երանոսյանին ձերբակալելու, առևանգելու հետ կապված, նրա պաշտպանն ասաց, որ բերման ենթարկելու որոշումը բողոքարկել են Գլխավոր դատախազություն, ընթացքը հայտնի չէ:

«Չեմ կարող ասել՝ բերման ենթարկել էր, թե ինչ էր: Այդպես բերման ենթարկել չի լինում: Հայաստանի ոստիկանության ծառայողներ էին»,- ասաց փաստաբանը:

Panorama.am

    ПОСЛЕДНИЕ ОТ АВТОРА






    ПОСЛЕДНЕЕ ПО ТЕМЕ