2021-01-15 18:29
Информагентства
0
Հայկ ԴԵՄՈՅԱՆ. ՀԱՂՈՐԴԱԿՑՈՒԹՅՈՒՆՆԵՐԻ ԱՊԱԱՐԳԵԼԱՓԱԿՄԱՆ ՇՐՋԱՆԱԿՈՒՄ ՀԱՅԱՍՏԱՆԸ ԵՎ ՂԱՐԱԲԱՂԸ ՊԵՏՔ Է ՕԴԱՅԻՆ ԿԱՊ ՍՏԱՆԱՆ
Տրանսպորտային հաղորդակցությունների ապաարգելափակման գործընթացը պետք է ուղեկցվի Երևան-Ստեփանակերտ և Գորիս-Ստեփանակերտ մշտական չվերթների վերսկսմամբ, և հայկական կողմը պետք է օդային հաղորդակցության երաշխիքներ ստանա: Այս մասին այսօր՝ հունվարի 15-ին, լրագրողների հետ հանդիպման ժամանակ հայտարարեց պատմական գիտությունների դոկտոր, Ցեղասպանության թանգարան-ինստիտուտի նախկին տնօրեն Հայկ Դեմոյանը:
Փորձագետն ուշադրություն հրավիրեց եռակողմ երկու հայտարարությունների շրջանակում անսովոր երևույթներին: Մասնավորապես, նոյեմբերի 9-ին ՀԱՊԿ երկու անդամներ ստորագրեցին մի երկրի հաղթանակի մասին հայտարարությունը, որը ներառված չէ կազմակերպության կազմում: Իսկ հունվարի 11-ին ստորագրվեց հայտարարություն ԵԱՏՄ երկու երկրների և մի երկրի միջև տնտեսական համագործակցության մասին, որը ներառված չէ այդ Միության կազմում: «Փոխվարչապետների մակարդակով համագործակցության մասին երկրորդ հայտարարությունը վերաբերում է տրանսպորտային հաղորդակցությունների ապաարգելափակմանը, այն դեպքում, երբ ռազմագերիների մասով հայտարարության կետն Ադրբեջանը մինչ օրս չի իրականացրել: Այդ հարցը կարող է խոչընդոտ դառնալ փոխվարչապետների մակարդակով համագործակցության և հաղորդակցությունների ապաարգելափակման համար: Երևանը պետք է հայտարարի իր «կարմիր գծերի» մասին»,-պարզաբանեց պատմաբանը: Նրա համոզմամբ՝ առաջնահերթ նախապայման է հենց ռազմագերիների հարցը: Երկրորդ կետը փախստականների հարցն է: «Երբ Բաքուն փորձում է ճնշում գործադրել ռազմագերիների առկայության տեսքով, այդ կապակցությամբ պետք է դիմել Ռուսաստանին և հայտնել հայտարարության կետի խախտման մասին, եթե, իհարկե, չկան այլ բանավոր պայմանավորվածություններ: Բացի այդ, մենք պետք է բարձրացնենք Ադրբեջանի ռազմական հռետորաբանության հարցը, այլապես համագործակցության ոչ մի հեռանկար չի կարող լինել, քանի որ դա կդիտարկվի որպես նախապատրաստում պատերազմին»,-նշեց նա:
Դեմոյանի խոսքով՝ Հայաստանի ներկայիս իշխանությունները ունակ չեն գերիներին վերադարձնելու, այսինքն՝ նրանք չեն կարող ապահովել քաղաքացիների անվտանգությունը, էլ չենք խոսում ամբողջ պետության շահերի պաշտպանության և անվտանգության ապահովման կամ նոր աշխարհաքաղաքական իրողություններից ելնելով՝ «ճանապարհային քարտեզի» մշակման մասին:
Հայոց ցեղասպանության թանգարան-ինստիտուտի նախկին տնօրենը հնարավոր համարեց, որ շուտով դիմելու են Ղարսի և Մոսկվայի պայմանագրերին, որի կետերը հաստատվել են 1991 թվականին: «Անդրկովկասում իրադարձությունների զարգացումը կախված է լինելու միջազգային իրավիճակից՝ հաշվի առնելով, որ Ղարաբաղում հիմա կան նաև ռուս զինվորականներ, իսկ Ադրբեջանի տարածքում՝ թուրք և, հավանաբար, պակիստանցի զինվորականներ: Հարցը միայն այն է, թե արդյոք կրկին կհաստատվե՞ն այդ պայմանագրերի կետերը, թե՞ նոր պատերազմ կսկսվի»,- շեշտեց նա:
Ինչ վերաբերում է Ադրբեջանի նախագահի հայտարարությանը Շուշիում սուրբ Ամենափրկիչ Ղազանչեցեց եկեղեցու վերականգնման մասին, ապա, ինչպես նշեց փորձագետը, Ալիևը նախկինում ընդհանրապես ասում էր, որ այն չեն ռմբակոծել: «Հայկական կողմը պետք է բարձրացնի Ղարաբաղում և Նախիջևանում մշակութային հուշարձանների և ժառանգության ուսումնասիրման հանձանաժողովի ստեղծման հարցը: Բաքուն, իհարկե, դրան դեմ կլինի, գոնե Նախիջևանի առումով, բայց մեզ համար դա կարող է դառնալ ճնշման լծակ, քանի որ մենք ընդամենը առաջ ենք քաշում հումանիտար բնույթի գաղափար»,- ամփոփեց Հայկ Դեմոյանը:
ПОСЛЕДНИЕ ОТ АВТОРА
-
2025-01-16 19:37Комитет госдоходов (КГД) Армении обсуждает возможность вести налоговый учет заказов по доставке еды - им будут облагаться предоставляющие услуги компании. Об этом заявил на пресс-конференции председатель Комитета Эдуард Акопян, подводя итоги за 2024 год.
-
Глава МИД: Грузия задействует весь свой потенциал для достижения мира между Азербайджаном и Арменией2025-01-16 19:35«Грузинская мечта» у власти, и интересы этой партии отражены в программе правительства. Как сообщает АПА, об этом министр иностранных дел Грузии Мака Бочоришвили сказала на совместной пресс-конференции с главой МИД Азербайджана Джейхуном Байрамовым.
-
2025-01-16 19:34Армения и Азербайджан определили новый участок для делимитации границы. Договоренность была достигнута в четверг на встрече комиссий под руководством вице-премьеров Армении и Азербайджана – Мгера Григоряна и Шахина Мустафаева.
-
2025-01-16 19:14Бывший госминистр Нагорного Карабаха, бизнесмен и филантром Рубен Варданян, "суд" над которым стартует 17 января в Азербайджане, выступил с обращением из бакинской тюрьмы, которое он передал через свою семью во время звонка.