2021-01-21 11:58
Информагентства
«ԱՐ» հեռուստաընկերությունը ոչ մեկին չի վաճառվել, նվեր չի տրվել
2021 թվականի հունվարի 21-ից «ԱՐ» հեռուստաընկերությունն այլևս չի լինելու եթերում՝ գործունեության լիցենզիայի ժամկետը լրանալու պատճառով: Այս մասին հայտարարություն է տարածել «ԱՐ» hեռուստաընկերության տնօրեն՝ Արամ Ղազարյանը, տեղեկացնում է News.am-ը:
Հայտարարությունում նաև ասվում է. «ԱՐ» հեռուստաընկերությունը ոչ մեկին չի վաճառվել, նվեր չի տրվել: Նույնիսկ սարքավորումները և տեխնիկական միջոցները չեն վաճառվելու և նվեր չեն տրվելու:
2003 թվականից սկսած՝ «ԱՐ» հեռուստաընկերությունը, նոր սեփականատերերի ներդրած զգալի ֆինանսների, ջանքերի և ժամանակի շնորհիվ ստեղծել է յուրահատուկ ձեռագիր ունեցող հեռուստաալիք՝ ավելի քան հիսուն հաղորդաշարով:
«ԱՐ» հեռուստաընկերությունը ստանալով նոր կյանք որդեգրեց ազգային, մշակութային և կրթական ուղղվածություն: Մասնավորապես եթեր հեռարձակվեցին հեռուստադիտողի կողմից սիրված այնպիսի հաղորդումներ, ինչպիսիք են «Արարման խորհուրդը», «Վարպետների քաղաքը», «Մեր մեծերը», «Պարզ ճշմարտություններ», «Մենք ենք մեր սարերը», «Ոչ միայն հացիվ», «Վերադարձ», «Մեր երեխաները» և էլի մի շարք ուսուցողական, ժամանցային, երաժշտական հաղորդումներ: Բոլորը չնշելով՝ ասեմ միայն, որ սեփական արտադրության հաղորդումները կազմում էին հեռուստաալիքի ամենօրյա եթերաժամի մոտ 65%-ը:
«ԱՐ»-ն իր գործունեության ընթացքում, սրտացավ և պրոֆեսիոնալ թիմային աշխատանքի շնորհիվ, միշտ պաշտպանել է ժողովրդի շահերը՝ հավատարիմ մնալով նրա հոգևոր և բարոյական արժեքներին:
«ԱՐ» հեռուստաընկերության «Ազդարար» լրատվական ծառայությունը միշտ մատուցել է օպերատիվ և անաչառ լրատվություն՝ պահպանելով պետականամետ դիրքորոշումը և ծառայելով մեր ազգային շահերին:
«ԱՐ» հեռուստաընկերությունը հնարավորություն է ընձեռել իր հեռուստադիտողին վայելելու նաև բացառիկ ֆիլմեր:
«ԱՐ» հեռուստաընկերությունն իր հաղորդումներով հեռուստադիտողին ներշնչել է ազգային արժանապատվություն, հպարտություն սեփական պատմության հանդեպ և օգնել է ժողովրդին ճանաչել ինքն իրեն ու սիրել սեփական հայրենիքը:
Շնորհակալություն այսքան տարի մեր աշխատանքը գնահատելու և մեզ հետ լինելու համար:
ПОСЛЕДНИЕ ОТ АВТОРА
-
New2025-07-10 14:42Президент Турции Реджеп Тайип Эрдоган усиливает давление на своих главных политических соперников: за девять месяцев по всей стране были задержаны более 500 человек, связанных с оппозиционной Республиканской народной партией (CHP), сообщает Reuters.
-
New2025-07-10 14:36На новом участке дороги Агарак – Каджаран, строящемся в рамках проекта "Север–Юг", завершена проходка первого тоннеля. Об этом на заседании правительства сообщил министр территориального управления и инфраструктур Армении Давид Худатян.
-
New2025-07-10 14:34Генпрокуратура Армении требует конфисковать имущество арестованного оппозиционного депутата Артура Саркисяна и аффилированных с ним лиц.
-
New2025-07-10 14:31Силовики явились с обыском в квартиру бывшего представителя Бюро АРФД Гранта Маргаряна. Об этом Новости Армении – NEWS.am сообщила член фракции Национального собрания «Армения» Кристине Варданян.