2021-01-23 13:42
Информагентства
Ռուբեն Մելքոնյան. Տարածաշրջանում շրջում է մեծ պատերազմի ուրվականը (ՏԵՍԱՆՅՈՒԹ)
Տարածաշրջանում շրջում է մեծ պատերազմի ուրվականը, սակայն եթե այն սկսվի, ո՞ր երկրները կլինեն թիրախները՝ Ռուսաստա՞նը, թե՞ Իրանը, դեռ պարզ չէ: Ամեն դեպքում Հայաստանը մարտական գործողությունների թատերաբեմ դառնալու վտանգի տակ է: Այս մասին լրագրողների հետ զրույցում ասաց թուրքագետ Ռուբեն Մելքոնյանը:
Նրա խոսքով՝ Կարսում Ադրբեջանի և Թուրքիայի զորավարժությունները ռազմատենչ հայտարարությունների ֆոնին սպառնալիք են ոչ միայն Հայաստանի, այլև ողջ տարածաշրջանի համար:
Նա պարզաբանեց, որ հաղորդակցությունների ապաշրջափակման մասին հայտարարությունները նշանակություն ունեն հենց այդ տեսանկյունից, և չեն հետապնդում տնտեսական նպատակ, այլապես կբացվեր նաև Կարս-Գյումրի երկաթուղին, ինչպես նաև ավտոճանապարհները Ղազախի միջով:
Բացի այդ, Ադրբեջանի տարածքով հայկական բեռների անվտանգ տեղաշարժի երաշխիքներ չկան:
«Այո, Հայաստանը միշտ հայտարարել է առանց նախապայմանների Թուրքիայի հետ հարաբերությունները կարգավորելու պատրաստակամության մասին, սակայն նախկինում դա ենթադրում էր դիվանագիտական աշխատանքի ճանապարհով հարցի լուծում: Իսկ այժմ դա ընդամենը թշնամական գործողությունների շարունակություն է: Այդ գործընթացը հիմնված չէ մեր ազգային արժանապատվության վրա, այլ կապիտուլյացիայի շարունակություն է»,-հավելեց Մելքոնյանը:
Փորձագետը նկատեց, որ Բաքուն և Անկարան գործում են Հայաստանի դեմ բոլոր միջազգային հարթակներում: Ադրբեջանը պատրաստում է բազմամիլիարդանոց դատական հայցեր:
«Ներկայիս իշխանություններն ունակ չեն դրան դիմակայելու, իսկ հանրության մի մասը դեռ դուրս չի եկել քարոզչության ազդեցության տակից, սակայն ժողովուրդը չի հանդուրժի մեր պատմական հողերի, մշակութային և կրթական կենտրոնների կորուստը»,-նշեց թուրքագետը, տեղեկացնում է News.am-ը:
ПОСЛЕДНИЕ ОТ АВТОРА
-
New2025-06-09 09:38Сегодня в Котайкской области произошла драка со стрельбой.
-
New2025-06-09 09:35МВД Армении опубликовало видео ДТП, которое произошло в Араратской области.
-
New2025-06-09 09:33Военнослужащие Национальной гвардии Калифорнии прибыли в Лос-Анджелес 8 июня рано утром по местному времени в ответ на протест против рейдов федеральной иммиграционной службы, сообщает NBC News.
-
New2025-06-09 09:30По информации Hraparak.am, кортеж премьер-министра Армении Никола Пашиняна, возвращавшийся из Сюникской области, попал в ДТП в селе Армаш, получили травмы также некоторые из телохранителей.