2021-02-09 16:28
Информагентства
Կարեն ԲԵՔԱՐՅԱՆ․ ԿՈՄՈՒՆԻԿԱՑԻԱՆԵՐԻ ԱՊԱՇՐՋԱՓԱԿՈՒՄՆ ԱԴՐԲԵՋԱՆԻ ԿՈՂՄԻՑ ԴՐՎԱԾ ՆՊԱՏԱԿՆԵՐԻՑ ՄԻԱՅՆ ՄԵԿՆ Է
Կոմունիկացիաների ապաշրջափակման հարցում այսպիսի կայծակնային արագությունը կոչված է լուծելու ադրբեջանական օրակարգի համար կարևորագույն խնդիրը՝ Նախիջևանն Ադրբեջանի արևմտյան շրջաններին միացնող ճանապարհի հարցը: Այս մասին «Տողերի արանքում» հաղորդաշարի հերթական թողարկման եթերում նշել է վերլուծաբան Կարեն Բեքարյանը՝ անդրադառնալով Հայաստանի, Ադրբեջանի և Ռուսաստանի փոխվարչապետների մակարդակով եռակողմ հանձնաժողովի աշխատանքին:
Կարեն Բեքարյանի խոսքով՝ երբ մարդասիրական խնդիրները լուծված չեն, Ադրբեջանի ղեկավարությունը շարունակում է թշնամական հռետորաբանությունը, կոմունիկացիաների ապաշրջափակումը չի կարող դիտվել վստահության միջոցների ներքո: «Բնական չէ՞, որ վստահության առաջին միջոցը հետպատերազմյան շրջանում ռազմագերիներ չունենալն է: Բայց Հայաստանն առաջ չի մղում իր օրակարգը, Հայաստանն այս պարագայում սպասարկում է Ադրբեջանի օրակարգը», - նշել է նա:
Ըստ վերլուծաբանի՝ տպավորություն է ստեղծվում, որ Ադրբեջանը նախապայմաններ է սահմանում և փորձում է հասնել ինչ-որ արդյունքի, որի մասին լռում են Հայաստանի իշխանությունները: Ընդ որում, կոմունիկացիաների ապաշրջափակումն Ադրբեջանի կողմից դրված հնարավոր նպատակներից միայն մեկն է:
«Քանի որ այս կարևորագույն հարցերի և խնդիրների շուրջ իշխանությունը սեփական հանրության հետ չունի որևէ իրական երկխոսություն, փաստացի եղած իրավիճակներից ես փորձում որսալ և հասկանալ Ադրբեջանի կողմից հետապնդվող այլ խնդիրները կամ նպատակները, որոնց էլ փորձեց մեկ փաթեթով անդրադառնալ ԼՂՀ «այսպես կոչված» նախագահը», - նշել էր Կարեն Բեքարյանը:
Վերջինիս խոսքի արժեքի հետ կապված վերլուծաբանը հիշեցրել է պատերազմից օրեր առաջ նույն Արայիկ Հարությունյանի կողմից արված մի շարք հայտարարություններ՝ կապված Ստեփանակերտի օդի ամբողջությամբ պաշտպանված լինելու, ուժի միջոցով հակառակորդին ինչ-որ բան պարտադրելու, կարգավիճակի ոչ կարևոր լինելու հետ, որոնք ցույց են տալիս նրա կողմից իրավիճակին չտիրապետելու մաքսիմալ աստիճան:
«Ինչպես մինչև պատերազմ չկար խոսելուց առաջ ռիսկերի հաշվարկման գործընթաց, որի արդյունքները քաղում ենք մինչև օրս, այնպես էլ չկա այսօր», - եզրափակել է Կարեն Բեքարյանը:
ПОСЛЕДНИЕ ОТ АВТОРА
-
New2025-06-16 04:49В Иране число погибших в результате израильских атак достигло 224, сообщает Press TV со ссылкой на Минздрав ИРИ.
-
New2025-06-16 04:45Армия обороны Израиля (ЦАХАЛ) заявила, что завершила «масштабную» серию авиаударов по Ирану, направленных на уничтожение производственных мощностей по производству оружия.
-
New2025-06-16 04:41Корпус стражей исламской революции Ирана (КСИР) сообщил о нанесении ударов по разведывательным центрам Израиля, передает РИА Новости.
-
New2025-06-16 04:38Иран подтвердил гибель главы разведки КСИР бригадного генерала Мохаммада Каземи.