2021-02-10 11:45
Информагентства
ՌԴ ԱԳՆ․ Մինսկի խմբի գործունեությունը պետք է շարունակվի
Մոսկվան ելնում է այն փաստից, որ ղարաբաղյան հակամարտության կարգավորման շուրջ Մինսկի խմբի գործունեությունը պետք է շարունակվի: Այս մասին ՏԱՍՍ-ի հետ զրույցում ասել է Ռուսաստանի ԱԳ փոխնախարար Անդրեյ Ռուդենկոն, տեղեկացնում է News.am-ը:
«Նրանք կարևոր ավանդ են ունեցել Լեռնային Ղարաբաղի հակամարտության կարգավորման բազային սկզբունքների մշակման մեջ, որոնցից շատերն արտացոլվել են 2020 թվականի նոյեմբերի 9-ի հայտարարության մեջ: Սա վերաբերում է թե՛ Լեռնային Ղարաբաղի շուրջը տեղակայված շրջանների վերադարձին Ադրբեջանին, թե՛ փախստականների վերադարձին, Հայաստանի հետ Լեռնային Ղարաբաղին կապող միջանցքի պահպանմանը, անվտանգության ապահովմանը, խաղաղապահ գործողությանը, տարածաշրջանում բոլոր տնտեսական և տրանսպորտային հաղորդուղիների ապաշրջափակմանը:
Նախկինի պես շարունակում է պահանջարկված մնալ համապարփակ քաղաքական կարգավորման հասնելը, որը ԵԱՀԿ Բուդապեշտի գագաթնաժողովի (1994 թվական) որոշումների համաձայն՝ դրված է Մինսկի խմբի համանախագահների վրա:
«Եռյակը» միջազգային հզոր աջակցություն ունի և կարող է օգտակար լինել հետագա քայլերի փոխընդունելի մոտեցումներ մշակելու հարցում, այդ թվում՝ կարգավիճակի հարցերում: Բայց զգուշավոր, չշտապելով, երբ ժամանակը գա:
Հիմա ԵԱՀԿ Մինսկի խումբը, նրա համանախագահները կարող էին ակտիվություն դրսևորել հայերի և ադրբեջանցիների միջև վստահության միջոցառումների ամրապնդման հարցերում: Քաղաքացիական հասարակության շրջանակում երկխոսության զարգացումը կնպաստի տարածաշրջանում իրավիճակի ընդհանուր առողջացմանը և քաղաքական ուղիում հետագա քայլերի համար նախադրյալների ստեղծմանը»,- նշել է նա:
Ի պատասխան հարցին՝ Մոսկվան մտավախություն չունի՞ արդյոք Ղարաբաղում հակամարտության արդյունքում Անդրկովկասում Թուրքիայի ռազմական ներկայության ուժեղացման առումով՝ հաշվի առնելով Ադրբեջանում ավիաբազաներ կառուցելու Թուրքիայի մտադրությունների մասին լուրերը, Ռուդենկոն նշել է. «Ելնում ենք այն փաստից, որ տարածաշրջանում Անկարայի հետ ռազմական գծով մեր փոխգործակցությունը կառուցվում է հունվարի 30-ից Աղդամի շրջանում գործող Լեռնային Ղարաբաղի հակամարտության գոտում հրադադարի վերահսկման ռուս-թուրքական համատեղ կենտրոնի շրջանակում:
Այսպիսի կենտրոնի բացումը դիտարկելով որպես համատեղ ջանքերի լավ օրինակ՝ ուղղված տարածաշրջանում իրադրության կարգավորմանը»:
ПОСЛЕДНИЕ ОТ АВТОРА
-
New2025-07-07 18:05Арцвик Минасян - единственный, кому предъявляют обвинение за увеличение поступлений в государственный и общинный бюджеты, ликвидацию самовольных захватов земельных участков. Об этом написал на своей странице в Facebook адвокат Ваге Григорян.
-
New2025-07-07 18:04Тегеран не видит проблем в возобновлении переговоров с Вашингтоном и считает, что нужно оставить позади кризис в отношениях Ирана и США. Об этом заявил президент ИРИ Масуд Пезешкиан.
-
New2025-07-07 18:01Бывший глава Минтранса России и экс-губернатор Курской области Роман Старовойт, которого президент России Владимир Путин сегодня отправил в отставку, покончил с собой дома в Одинцово. Эту информацию подтвердили РИА Новости в экстренных службах.
-
New2025-07-07 18:00В ходе обсуждения вопроса о лишении Артура Саркисяна неприкосновенности генеральный прокурор, отвечая на вопрос Рубена Рубиняна, отметила, что действия были запланированы на сентябрь 2025 года. Об этом написал на своей странице в Facebook адвокат Ованес Худоян, касаясь заявлений генпрокурора Армении Анны Вардапетян.