2021-02-11 17:51
Информагентства
Ռոբերտ ՀԱՅՐԱՊԵՏՅԱՆ․ ԱԱԾ ՍԱՀՄԱՆԱՊԱՀ ԶՈՐՔԵՐԸ ՍՈՑՑԱՆՑԱՅԻՆ ԳՐԱՌՄԱՄԲ ՆՄԱՆ ՍԱՀՄԱՆԱՓԱԿՈՒՄ ՄՏՑՆԵԼՈՒ ԻՐԱՎԱՍՈՒԹՅՈՒՆ ՉՈՒՆԵՆ
Իրավաբան Ռոբերտ Հայրապետյանը ֆեյսբուքյան գրառմամբ անդրադարձել է ՀՀ ԱԱԾ սահմանապահ զորքերի երեկվա հայտարարությանը՝ համաձայն որի այսուհետ Սյունիքի սահմանամերձ տարածքներում տարբեր թեմաներ լուսաբանելու նպատակով ԶԼՄ-ները պետք է ունենան ՀՀ ազգային անվտանգության մարմինների համաձայնությունը։
«1. Հաշվի առնելով, որ ՀՀ-ում դեռ անհիմն կերպով շարունակում է գործել ռազմական դրության իրավական ռեժիմը, ապա հիմք ընդունելով «Ռազմական դրության իրավական ռեժիմի մասին» ՀՀ օրենքի 8-րդ հոդվածը՝ ցանկացած սահմանափակում պիտի ամրագրվի իրավական ակտով, այս պարագայում ՀՀ կառավարության 27 սեպտեմբերի 2020 թվականի N 1586-Ն որոշման մեջ փոփոխություն կատարելու միջոցով։
2. Տարընթերցման տեղիք են տալիս հայտարարության մեջ առկա մի շարք արտահայտություններ, որոնք ձևակերպված չեն բավարար աստիճանի հստակությամբ, որը թույլ տա լրագրողներին դրա հետ համատեղելու իրենց վարքագիծը։
3. Հայտարարությունն անտրամաբանական և հակաիրավական է նաև այն համատեքստում, որ 2020 թվականի նոյեմբերի 20-ին, ՀՀ ՍԴ-ն կայացրել է աշխատակարգային որոշում, որով մինչև ՀՀ Մարդու իրավունքների պաշտպանի դիմումի հիման վրա գործի դատաքննության ավարտը կասեցրել է «Հայաստանի Հանրապետությունում ռազմական դրություն հայտարարելու մասին» ՀՀ կառավարության՝ սեպտեմբերի 27-ի թիվ 1586-Ն որոշման հավելվածի 9.1 և 9.2 կետերի գործողությունը, որոնցով սահմանափակվում էր ԶԼՄ իրավունքները։
4. «Ռազմական դրության իրավական ռեժիմի մասին» ՀՀ օրենքի համաձայն սահմանափակումներ մտցնելու իրավունք ունի բացառապես ՀՀ կառավարությունը, և ԱԱԾ-ն, հատկապես ԱԱԾ սահմանապահ զորքերը սոցցանցային գրառմամբ նման սահմանափակում մտցնելու իրավասություն չունեն։
5. Ի վերջո, չկա որևէ իրավակարգավորում, թե ինչ հետևանք կարող է առաջանալ, եթե ԶԼՄ-ները չհետևեն հիշյալ հայտարարության պահանջներին»,- գրել է Ռ. Հայրապետյանը։
ПОСЛЕДНИЕ ОТ АВТОРА
-
2025-06-13 19:56Президент США Дональд Трамп заявил, что представители иранских властей звонят ему с просьбой заключить соглашение по ядерной программе Тегерана.
-
2025-06-13 19:55Международный аэропорт "Звартноц" принял три рейса иностранных авиакомпаний, запросивших вынужденную посадку. Об этом Sputnik Армения сообщили в Комитете гражданской авиации.
-
2025-06-13 19:53Совет безопасности ООН сегодня соберется на внеочередное заседание в связи с израильской атакой на Иран. Об этом сообщил постпред России при ООН Дмитрий Полянский.
-
2025-06-13 19:48Учитывая ситуацию, сложившуюся в Иране, призываем граждан РА, находящихся на территории ИРИ, сохранять бдительность, следовать официальным инструкциям, а в случае возникновения чрезвычайной ситуации обращаться в посольство по адресу электронной почты ([email protected]), страницам в социальных сетях (Facebook, Instagram), а также по следующим телефонным номерам - +98 21 66704833, мобильный: +989053774966.