2021-02-12 09:26
Информагентства
0
ՀՀ ԱԳՆ պատասխանել է ՀՅԴ Հայ դատի կենտրոնական խորհրդի հնչեցրած մտահոգություններին
Հայաստանը որևէ կերպ չի վերանայել տարածաշրջանում Թուրքիայի ապակառուցողական ներգրավման վերաբերյալ իր գնահատականը։ Այսպես է ՀՀ ԱԳՆ մամուլի խոսնակ Աննա Նաղդալյանը պատասխանել ՀՅԴ Հայ դատի կենտրոնական խորհրդի հայտարարությանը։
ՀՅԴ Հայ դատի կենտրոնական խորհուրդն այսօր հայտարարություն էր տարածել` անդրադառնալով փետրվարի 10-ին Ազգային ժողով-կառավարություն հարցուպատասխանի ժամանակ ԱԳ նախարար Արա Այվազյանի այն կարծիքին, թե այլևս Թուրքիան որևէ պատճառ չունի սահմանը փակ պահելու Հայաստանի ուղղությամբ։
Նախարարն ասել էր նաև, թե այս պահի դրությամբ որևէ գործընթաց տեղի չի ունենում, բայց ՀՀ–ն և մեր դիվանագիտությունը ջանքեր են գործադրելու Հայաստանի անվտանգության ամրապնդման համար։ ՀՅԴ–ն էլ նշել էր, թե, փաստորեն, ՀՀ կառավարությունը պատրաստվում է համակերպվել Արցախի նկատմամբ թուրք-ադրբեջանական տանդեմի կողմից ագրեսիայի կիրառման հետևանքով ձևավորված ստատուս քվոյի հետ, և հավատում է, որ Հայաստան-Թուրքիա միջպետական հարաբերությունների ոլորտում ԼՂ հիմնախնդրից բացի, որևէ այլ կնճռոտ հարց չկա։
«Այվազյանի մեկնաբանությունները կատարված են ընդհանուր համատեքստից դուրս և չեն արտացոլում ՀՀ գնահատականը և մոտեցումները Թուրքիայի՝ տարածաշրջանում ներգրավման առնչությամբ։ Նախարարն անդրադարձել էր Թուրքիայի կողմից ՀՀ-ն ապօրինի շրջափակելու քաղաքականությանը՝ պնդելով, որ գոյություն չունի անգամ այն պատրվակը, որի վրա հղում կատարելով՝ Թուրքիան տասնամյակներ շարունակ փակել է իր սահմանը Հայաստանի հետ»,–ասում է Նաղդալյանը։
Նրա խոսքով` ՀՀ դիրքորոշումը որևէ փոփոխություն չի կրել, ինչպես չի կրել ՀՀ արտաքին քաղաքականության գերակայությունները հետապնդելու հաստատակամությունը։ Ավելին, Նաղդալյանը վստահեցնում է, որ Թուրքիայի ուղղակի ներգրավվածությունը պատերազմում առավել այժմեական են դարձնում Հայոց ցեղասպանության միջազգային ճանաչումը և դատապարտումը։
Նաղդալյանը հավելում է, որ բարձր են գնահատում Հայ դատի գրասենյակների և հանձնախմբերի հետ ՀՀ ԱԳՆ-ի համագործակցությունը, տեղեկացնում է Sputnik Armenia-ն։
ПОСЛЕДНИЕ ОТ АВТОРА
-
New2024-04-26 06:18На основании 829 ложных историй болезни пациентов во время пандемии коронавируса у Минздрава Армении обманным путем было похищено 263,5 млн. драмов, сообщает пресс-служба Генпрокуратуры.
-
New2024-04-26 06:13Бывший госминистр Нагорного Карабаха, филантроп и бизнесмен Рубен Варданян, находящийся в бакинской тюрьме, прекратил голодовку после телефонного разговора с семьей.
-
New2024-04-26 06:10В селе Киранц Тавушской области жители продолжают держать перекрытым мост, проходящий через общину, где, по имеющейся информации, будут проводиться работы по разминированию. Перекрытой остается и межгосударственная дорога, проходящая через деревню.
-
2024-04-25 19:24В Тавуше протестующие окружили пост военной полиции. Ранее тавушцы перекрыли мост, в районе которого сегодня планировалось провести работы по разминированию. Около моста протестующие установили палатку.
