2021-02-19 14:00
Информагентства
ՊԵԿ․ Արտահանումը կրճատվել է 7 տոկոսով, ներմուծումը՝ 17,5 տոկոսով
2019 թվականի համեմատությամբ 2020 թվականին արտահանումը կրճատվել է 7 տոկոսով, ներմուծումը՝ 17,5 տոկոսով: Սրանք նախնալան տվյալներ են: Այս մասին փետրվարի 19-ին լրագրողների հետ հանդիպման ժամանակ ասաց Պետեկամուտների կոմիտեի մաքսային վիճակագրության և եկամուտների հաշվառման վարչության պետ Մնացական Շարաֆյանը: Նա հավելեց, որ 2020 թվականին 2019-ի համեմատ ԵՏՄ երկրներից ներմուծումը մեծացել է 1,3 տոկոսով, իսկ 2018-ի համեմատ՝ 20 տոկոսով, իսկ ահա երրորդ երկրներից ներմուծումը կտրուկ կրճատվել է:
«Արտահանման աճը կազմել է 3 տոկոս: Սա, մասնավորապես, վերաբերում է տրիկոտաժի արտադրության, հանքարդյունաբերության և այլ ոլորտներին: Աճի միտումը, որը դիտվել է 2019 թվականին, շարունակվել է նաև 2020 թվականին: Կորոնավիրուսը և պատերազմը բացասաբար են ազդել ներմուծումից և արտահանումից ստացվող հարկային մուտքերի վրա, բայց եթե հաշվի չառնեք ավտոմեքենաների ներմուծման համար նախատեսված գանձումները, ապա ցուցանիշները գրեթե նույնն են, ինչ 2018-ին»,- ասաց Շարաֆյանը:
Պաշտոնյան Հայաստանում բիզնեսի փակումը անվանեց շուկայական հարաբերությունների բնական գործընթաց, երբ որոշ տնտեսվարող սուբյեկտներ դադարեցնում են իրենց գործունեությունը, իսկ մյուսները հարմարվում և զարգացնում են իրենց բիզնեսը: Նրա խոսքով, գերատեսչությունը պատրաստվում է հետագայում արտոնություններ սահմանել բարեխիղճ տնտեսվարող սուբյեկտների համար (ներմուծողներ և արտահանողներ):
ՊԵԿ մաքսային հսկողության վարչության պետ Արտյոմ Կարապետյանն իր հերթին շեշտեց, որ հաշվի առնելով համավարակի ընթացքում առկա սահմանափակումները, թույլատրվել է դեղերի ներմուծումը տարեկան մեկ անգամ փոստով (5 անունից ոչ ավելի, 3 սպառողական փաթեթ քանակով):
«Այս հնարավորությունից օգտվել է շուրջ 1500 քաղաքացի: Արգելվում է փոստով հոգեմետ դեղերի ներմուծումը: Ինչ վերաբերում է պատերազմի ժամանակ օգնությանը, ապա այդպիսի բեռները մաքսային ծառայությունը շատ արագ էր բաց թողնում՝ 1 ժամվա ընթացքում»,- պարզաբանեց նա: Կարապետյանը հավելեց, որ առաջիկայում կներդրվի «մեկ պատուհանի» համակարգը, որը կդյուրացնի մաքսային ձևակերպումը, քանի որ տնտեսվարող սուբյեկտներին բավական կլինի մեկ հայտ ներկայացնել: Համակարգին ինտեգրվելու են շուրջ 17 գերատեսչություններ, ինչպես նաև մասնավոր ընկերություններ, և կարիք չի լինի հայտ ներկայացնել առանձին մարմիններին:
Ինչ վերաբերում է ԵՏՄ անդամ երկրների կողմից միակողմանի սահմանափակումներ մտցնելու հնարավորություններին, ապա դա, նրա խոսքով, կարող է կատարվել 6 ամսվա ընթացքում, նախապես ծանուցելով այլ երկրներին՝ այդ ժամկետները երկարացնելու հնարավորությամբ, տեղեկացնում է News.am-ը:
ПОСЛЕДНИЕ ОТ АВТОРА
-
New2025-06-05 16:39В прошлом месяце отношения Армении и Грузии в торгово-экономической сфере неожиданно осложнились. Армянские экспортёры коньяка и другой алкогольной продукции провели перед грузинским посольством в Ереване несколько протестных мероприятий, обвинив таможенные органы соседней республики в необоснованной задержке десятков фур на границе. Они направлялись в Россию, но оказались под «досмотром с пристрастием» со стороны грузинских таможенников.
-
New2025-06-05 16:34Посол США в Грузии Робин Данниган объявила о своем уходе с дипломатической службы и выходе на пенсию. Заявление об этом появилось на официальной странице посольства США в Грузии в Facebook. Данниган подчеркнула, что ее решение носит исключительно личный характер и не связано с позицией Вашингтона.
-
New2025-06-05 16:32Премьер-министр Никол Пашинян созвонился с президентом Турции Реджепом Тайипом Эрдоганом, сообщает пресс-служба главы армянского кабмина.
-
New2025-06-05 16:32В Азербайджане предпринимаются попытки представить законную общественную деятельность Рубена Варданяна, находящегося в бакинской тюрьме, как преступную. Это противоречит основам правового государства, говорится в заявлении его адвоката Авраама Бермана, прокомментировавшего обвинительное заключение по делу подзащитного.