Последние новости

Երևանում շարունակվում է Քոչարյանի և մյուսների գործով դատավարությունը (ՈՒՂԻՂ ԵԹԵՐ)

Երևան քաղաքի Շենգավիթ վարչական շրջանի ընդհանուր իրավասության դատարանում շարունակվում է դատավարությունը Հայաստանի երկրորդ նախագահ Ռոբերտ Քոչարյանի և մյուսների գործով:

 

Հիշեցնենք, որ նախորդ նիստը չէր կայացել ՀՀ նախկին փոխվարչապետ Արմեն Գևորգյանի փաստաբան Էրիկ Ալեքսանյանի բացակայության պատճառով: Դրան նախորդած դատական նիստին փաստաբանը փորձել էր նախազգուշացնել դատավոր Աննա Դանիբեկյանին, որ նույն օրը և ժամին Վերաքննիչ դատարանի նիստ է (դատավորի դեմ դատական գործով) նշանակված, սակայն Դանիբեկյանը չէր լսել և նշանակել էր նիստը: Արձանագրելով փաստաբանի բացակայությունը` դատավորն այն անհարգալից էր համարել և խոստացել էր մարտի 2-ին կայանալիք նիստին քննարկել փաստաբանի պահվածքը:

Օգտվելով առիթից` դատախազները նույնպես դժգոհություն էին հայտնել և տեղեկացրել «իրենց իրավունքների պաշտպանության չարաշահման» վերաբերյալ միջնորդություն ներկայացնելու մտադրության մասին: Ավելի վաղ դատախազներն արդեն փորձել էին պաշտպանությանը զրկել միջնորդություններ ներկայացնելու իրավունքից: Այս ամենով հանդրձ դատախազները դժգոհություն չեն հայտնում, որ դատական նիստերը շաբաթական մեկ անգամ են անցկացվում, ինչն արդեն խոչընդոտում է արդարադատության շուտափույթ իրականացմանը, տեղեկացնում է News.am:

ПОСЛЕДНИЕ ОТ АВТОРА

ПОСЛЕДНЕЕ ПО ТЕМЕ