Последние новости

Իշխան Սաղաթելյան. Հայաստանում հաստատվել է մեկ մարդու դիկտատուրա

Հայաստանում հիմա հաստատվել է «մեկ մարդու դիկտատուրա», որը կկոտրվի, ասաց ՀՅԴ ԳՄ ներկայացուցիչ Իշխան Սաղաթելյանն այսօր ընդդիմության հանրահավաքի ժամանակ։

«Այսօր նա (Փաշինյան) փորձում է ժողովրդին դարձնել է իր դավաճանության մի մասը։ Դա ոչ մի ընդհանուր բան չունի ժողովրդի իշխանության հետ։ Հայաստանում հաստատվել է մեր մարդու դիկտատուրա, որը մենք կկոտրենք և կոչնչացնենք», – նշեց Սաղաթելյանը։

Նա դիմեց ուժայիններին, ովքեր պաշտպանում են Փաշինյանին` ԱԱԾ տնօրեն Արթուր Աբազյանին, գլխավոր դատախազ Արթուր Դավթյանին, ոստիկանապետ Վահե Ղազարյանին, ՀՔԾ պետ Սասուն Խաչատրյանին։

«Պաշտպանելով նրան (Փաշինյանին), պաշտպանելով նրա կառավարությունը` դուք դառնում եք դավաճանության մասնակիցը և կրում ենք պատասխանատվություն դրա համար։ Խելքի եկե′ք և կանգնե′ք ժողովրդի կողքին», – կոչ արեց Սաղաթելյանը։

Հանրահավաքի ժամանակ ելույթ ունեցավ նաև Հայրենիքի փրկության շարժման առաջնորդ, ընդդիմության կողմից առաջադրված վարչապետի միասնական թեկնածու Վազգեն Մանուկյանը։

«Սա ոչ միայն մեր, այլև ձեր Հայրենիքն է։ Կոչ եմ անում ձեզ միանալ մեզ կամ համագործակցել մեզ հետ կամ ստեղծել սեփական կազմակերպությունն ու պայքարել։ Որքան ցանցային լինի բողոքը, այնքան ավելի արագ կհասնենք մեր նպատակին», – ասաց Մանուկյանը։

Նա քննադատեց ՀՀ նախագահ Արմեն Սարգսյանին, ով չի կատարում իր սահմանադրական պարտականությունները և մինչև հիմա ՍԴ չի ուղարկել ԳՇ պետ Օնիկ Գասպարյանին պաշտոնից ազատելու Փաշինյանի հրամանագրի նախագիծը։

«Այո, մենք վաղը կրկին նրա հետ կհանդիպենք և կհորդորենք կատարել իր պարտականությունը, բայց որքա՞ն կարելի է յուրաքանչյուր պաշտոնյայի առանձին համոզել` կատարել սեփական պարտականությունները», – հարցադրում արեց Մանուկյանը։

Այնուհետև ցուցարարները երթով շարժվեցին Երևանի կենտրոնական փողոցներով` վանկարկելով «Առանց Նիկոլ Հայաստան», «Առանց թուրքի Հայաստան», «Դավաճան հեռացի′ր», տեղեկացնում է Newsarmenia.am։

    ПОСЛЕДНИЕ ОТ АВТОРА






    ПОСЛЕДНЕЕ ПО ТЕМЕ