Ստեփանակերտում բացվել է «Շուշիս» խորագրով ցուցահանդես
Ստեփանակերտի Մեսրոպ Մաշտոց համալսարանի կովկասագիտության կենտրոնի նախաձեռնությամբ , ինչպես նաև օտար լեզուների ամբիոնի և գրադարանի համատեղ աջակցությամբ բուհում բացվել է «Շուշիս» խորագրով ցուցահանդես:
«Արցախպրես»-ի թղթակցի հետ զրույցում Մեսրոպ Մաշտոց համալսարանի կովկասագիտության կենտրոնի ավագ գիտաշխատող Հովիկ Ավանեսովն ասել է, որ ցուցահանդեսին ներկայացված են Շուշիին վերաբերող փաստագրական արխիվային 7 ճշգրիտ տվյալներ, Շուշիի մասին պատմող 110 անուն գրքեր՝ հայերեն, ռուսերեն, անգլերեն և ֆրանսերեն :
«Դրանք Շուշիի մասին հետազոտություններ են, արխիվային լուսանկարներով, վերլուծություններով, գիտական աշխատանքներով, թերթերով, ամսագրերով: Ցուցադրություններում ներկայացված է նաև Շուշիի արվեստն ու արհեստները, թե 1852 թվականից ի վեր տեղի հայ բնակչությունն ինչով էր զբաղվում: Որպես խոսուն փաստեր՝ օգտագործել ենք 1920 թվականին Շուշիի ուսումնական հաստատությունների կողմից տրված հին վկայականների բնօրինակներ, որոնք գրված էին միայն հայերեն և ռուսերեն լեզուներով: 1800 ֊ական թվականների փոստային բացիկներ, որոնց վրա գրված էր բացառապես քաղաքի անվան հայերեն՝ Շուշի տարբերակը:
Լուսանկարներ, հին արխիվային պաստառներ՝ Շուշիի ճարտարապետական հուշարձանների մասին: Խոսվում է նաև բնակչության էթնիկական կազմի մասին՝ սկսած 1823 թվականից, մինչև 2015 թվականը: «Հոգևոր Շուշի» պաստառի վրա ներկայացված է Շուշիի եկեղեցիների պատմությունը, «Կրթությունը Շուշիում՝ 19-րդ դար» ցուցապաստառին՝ կրթական հաստատություններում դասավանդվող առարկաների թիվը և լեզուները: Ի դեպ, ցուցանմուշների մեծ մասն առաջին անգամ է ներկայացված ցուցադրության»,- մանրամասնել է Հ. Ավանեսովը:
Նա ընդգծել է, որ այս ամենը փաստում է, որ Շուշին եղել ու մնում է ՀԱՅԿԱԿԱՆ: Ցուցահանդեսին ներկայացված ցուցանմուշների տրամադրման համար Հ. Ավանեսովը Մեսրոպ Մաշտոց համալսարանի դասախոսական կազմի անունից շնորհակալություն է հայտնել «Թումո» ստեղծարար տեխնոլոգիաների կենտրոնին, Արցախի պատմաերկրագիտական թանգարանին, «Պատմական միջավայրի պահպանության պետական ծառայություն» ՊՈԱԿ-ին:
Ցուցահանդեսը բաց կլինի մինչև մայիսի 10-ը, որից հետո բոլոր ցուցանմուշները կտեղադրվեն Մեսրոպ Մաշտոց համալսարանի պաշտոնական կայք֊ էջում:
Տեղադրված կլինեն նաև օբյեկտիվ թվայնացված գրքեր, տեղեկատվական փաստաթղթեր, թերթեր, ամսագրեր և այլ կարևոր նյութեր: Այն հստակ աղբյուր է դառնալու բոլոր հետազոտողների համար, ովքեր ցանկություն կունենան Շուշիի մասին վերլուծական աշխատանք կատարել կամ զբաղվել հրատարակչությամբ, տեղեկացնում է Panorama.am-ը։
ПОСЛЕДНИЕ ОТ АВТОРА
-
New2022-01-28 19:3031Представители Международного Комитета Красного Креста навестили армянских военнопленных, удерживаемых в Азербайджане. Об этом специалист по связям с общественностью бюро МККК в Армении Зара Аматуни сообщила в пятницу корреспонденту Sputnik Армения.
-
New2022-01-28 19:2243Как во время 44-дневной войны, так и после нее Вооруженные силы Армении являются первыми защитниками прав народа Арцаха.
-
New2022-01-28 19:1953Вице-спикер НС Армении Рубен Рубинян 27 января сообщил на своей странице в Facebook, что Парламентская ассамблея Совета Европы (ПАСЕ) приняла резолюцию о деятельности демократических институтов в Армении.
-
New2022-01-28 19:1646Дорога, ведущая к МАПП "Верхний Ларс" (грузино-российская граница), открыта с грузинской стороны для всех видов транспортных средств. Об этом в пятницу сообщает департамент автомобильных дорог министерства регионального развития и инфраструктуры Грузии.
