Մանիպուլյատիվ էֆեկտ. դատախազի խորհրդականը՝ Արմեն Գևորգյանի գրառման մասին
ՀՀ նախկին փոխվարչապետ Արմեն Գևորգյանը փորձում է մանիպուլյատիվ էֆեկտով ստեղծել տոտալ վախի մթնոլորտի առկայության պատրանք։ Նման կարծիք է հայտնել ՀՀ գլխավոր դատախազի խորհրդական Գոռ Աբրահամյանը։ Facebook-ի իր էջում նա անդրադարձել է նախկին փոխվարչապետի՝ Telegram ալիքում կատարած գրառմանը։
«Իշխանությունները բացահայտ շանտաժի են ենթարկում համայնքների ղեկավարներին և բիզնեսի ներկայացուցիչներին: Նոր քրեական գործեր են հարուցվում: Բոլորից պահանջվում է ենթարկվել իշխանությունների կամքին: Սա կոչվում է իրական ժողովրդավարություն գործողության մեջ ...»,- գրել էր Արմեն Գևորգյանը, տեղեկացնում է Sputnik Armenia-ն։
Դատախազի խորհրդականն ընդգծում է, որ իր պնդումներն անելիս «բազմափորձ Ա. Գևորգյանը դրանք հաստատող որևէ կոնկրետ դեպք, փաստ, անգամ տվյալ չի վկայակոչում»։
Աբրահամյանը հիշեցնում է՝ քրեական գործերը հարուցվում են կոնկրետ հանցագործության դեպքերի առթիվ՝ համապատասխան կոնկերտ օրինական առիթների և հիմքերի առկայությամբ։
«Քրեական վարույթների հարուցումը քմահաճույք չէ, որպեսզի օգտագործվի քաղաքական, հանցավոր նպատակներով»,- նշում է Աբրահամյանը։ Նա պնդում է՝ եթե որևէ անձ տեղեկություններ ունի մարդկանց շանտաժի ենթարկելու, նրանց նկատմամբ ապօրինի քրեական գործեր հարուցելու կամ թեկուզ այդպիսի սպառնալիք հնչեցվելու մասին հավաստի տվյալներ կան, անհրաժեշտ է դիմել իրավապահ մարմիններին։
Նրա խոսքով՝ հակառակ դեպքում «նմանատիպ ընդհանրական հայտարարությունները, պնդումները ոչ այլ ինչ են, քան քարոզչական մոտիվներով հանրային տրամադրությունների վրա ներգործելու, իսկ նախընտրական շրջանում՝ ընտրողների մոտ անպաշտպանվածության զգացումներ սերմանելու փորձեր»։
ПОСЛЕДНИЕ ОТ АВТОРА
-
2024-05-18 18:20
Депутат фракции "Армения" НС Гарник Даниелян, находящийся в Киранце, написал:
-
2024-05-18 18:20
По требованию ректора ЕГУ работников вынуждают выйти из профсоюза. Об этом сообщается на странице профсоюза в Facebook.
-
2024-05-18 18:17
Скоро начнется встреча Баграта Србазана с офицерами запаса. Накануне встречи в беседе с журналистами бывший заместитель начальника Генштаба ВС Республики Армения, генерал-лейтенант Тиран Хачатрян, коснувшись продолжающегося в Тавуше процесса «демаркации», отметил, что диктат противника выполняется без какого-либо сопротивления.
-
2024-05-18 18:15
Заместитель председателя Республиканской партии Армении Армен Ашотян обратился к одному из ведущих Общественного телевидения Петросу Казаряну из УИУ "Нурабарашен".