2021-06-06 15:54
Информагентства
Արտակ ԶԱՔԱՐՅԱՆ․ ՆԻԿՈԼԻԶՄԻՑ ՀՐԱԺԱՐՎԵԼԸ ԵՎ ՆՐԱ ԴԱՎԱԴԻՐ ՎՏԱՆԳՆԵՐԸ ԲԱՑԱՏՐԵԼՆ ԱՅՍՕՐ ԴԱՐՁԵԼ ԵՆ ԱԶԳԱՅԻՆ ԱՆՎՏԱՆԳՈՒԹՅԱՆ ՀԱՐՑ
Նիկոլիզմից հրաժարվելը և նրա դավադիր վտանգները բացատրելն այսօր դարձել են ազգային անվտանգության հարց: Այս մասին իր ֆեյսբուքյան էջում գրել է ՀՀ ՊՆ նախկին փոխնախարար Արտակ Զաքարյանը:
«Խավարն անվերջ անիծելու փոխարեն,մեկ մոմ վառիր՝ շուրջդ լուսավորելու համար: Շեքսպիրյան այս ոճով է պետք հաղթել նիկոլիզմին։
Նիկոլի հույսը՝ անգրագիտությունը, նյութապաշտությունն ու խավարամտությունն է։
Այն գոյություն ունի աշխարհի բոլոր երկրներում։ Եթե աշխարհում չլիներ անգրագիտությունն ու խավարամտությունը՝ չէին լինի ապստամբություններ, գունավոր հեղափոխություններ, արաբական գարուններ և այլն։ Օրինակ՝ ըստ Լոնդոնում հրատարակվող համաարաբական «Ալ Հայյաթ» թերթի, արաբական երկրներում, 15 տարեկանից բարձր տարիքի բնակչության մոտ, անգրագիտությունը երկու անգամ ավելի բարձր է մյուս երկրներից՝ շուրջ 43 տոկոս։
Ըստ տարբեր ուսումնասիրությունների՝ Հայաստանում ֆունկցիոնալ անգրագիտությունը (երբ չի իրացվել տվյալ անձի կրթության իրավունքը) կազմում է շուրջ 20%։
2018-21թթ. մենք տեսանք նաև պետության գլոբալ անվտանգության համար՝ կրթական ցածր մակարդակի սպառնալիքը։
Հենց միայն այն հանգամանքը, որ անգրագետ անձը իր անվտանգությունը կարող է վստահել երկրի անվտանգությունը բացարձակ ձախողած նիկոլին, դա արդեն իսկ ազգային անվտանգության լրջագույն սպառնալիք է։
Հետևաբար՝ յուրաքանչյուր մարդ պետք է իր վրա վերցնի Նիկոլի 20%-ոց ընտրազանգվածից ցանկացած մեկի նախընտրությունը փոխելու ծանր, բայց անչափ կարևոր աշխատանքը։
Այսօր, եթե ձեզ հաջողվի Նիկոլին ընտրող որևէ մեկի կարծիքը փոխել, և վստահ լինեք, որ նա այլևս նիկոլիզմ չի ընտրելու, ապա հանգիստ կարող եք ասել, որ դուք փրկել եք ոչ միայն այդ անգրագետ մարդուն, այլ նաև իր նման շատերի կյանքն ու ապագան։
Նիկոլիզմից հրաժարվելը և նրա դավադիր վտանգները բացատրելն այսօր դարձել են ազգային անվտանգության հարց։
Խնդրանքս վերաբերում է բոլոր պատասխանատու քաղաքացիներին.
գտե՛ք ձեր շրջապատում նիկոլ ընտրող մեկ քաղաքացու, և փաստերով ու բացատրական աշխատանքով բացեք նրա աչքերը, փոխեք նրա մեջ նստեցրած նիկոլա-սատանայական կեղծիքն ու մանիպուլյացիան։
Մենք պարտավոր ենք դա անել, որովհետև նիկոլիզմի երկրորդ ալիքից հետո՝ Հայաստան այլև չի լինի»,- գրել է նա։
ПОСЛЕДНИЕ ОТ АВТОРА
-
New2025-06-10 17:20Глава ереванского административного района Шенгавит Размик Мкртчян 10 июня написал заявление об отставке.
-
New2025-06-10 17:18«Дорогие соотечественники, благочестивые последователи Армянской Апостольской церкви! Действующие власти Армении продолжают атаки против наших национальных ценностей, единства, веры и церкви», – написал председатель партии «Айреник» («Отечество»), бывший директор СНБ Армении Артур Ванецян.
-
New2025-06-10 17:17Глава парламентской фракции "Айастан" Сейран Оганян назвал запрос генпрокурора Армении Анны Вардапетян о начале уголовного преследования в его отношении политическим заказом премьер-министра Никола Пашиняна.
-
New2025-06-10 17:16Должна быть сформирована группа достойных граждан Республики Армения, которая освободит правительство от святотатства. Об этом написал адвокат Арсен Бабаян на странице в соцсети.