2021-06-10 10:04
Информагентства
Արշավիր ՂԱՐԱՄՅԱՆ․ ՊԻՏԻ ՄԻ ԱՅՆՊԻՍԻ ԱՆՁՆԱԿԱԶՄ ԸՆՏՐԵՆՔ, ՈՐՆ Ի ՎԻՃԱԿԻ ԿԼԻՆԻ ՄԵԶ ՀԱՍՑՆԵԼ ՆՊԱՏԱԿԱԿԵՏԻՆ
Հայաստանի Հանրապետությունն անկախությունից ի վեր կարծես թե, ինչպես ինքնաթիռ, հայտնվել է տուրբուլենտ հոսանքի մեջ և ո՛չ մի կերպ չի կարողանում դուրս գալ դրանից: Այս մասին իր ֆեյսբուքյան էջում գրել է Արցախի հերոս Արշավիր Ղարամյանը:
«Հայաստանի Հանրապետությունն անկախությունից ի վեր կարծես թե, ինչպես ինքնաթիռ, հայտնվել է տուրբուլենտ հոսանքի մեջ և ո՛չ մի կերպ չի կարողանում դուրս գալ դրանից:
Տուրբուլենտ հոսանքում հայտնված ինքնաթիռները, սովորաբար, եթե.
Ա) տեխնիկապես բարվոք վիճակում են լինում և փորձառու, արհեստավարժ անձնակազմ են ունենում,
Բ) կամ նույնիսկ տեխնիկական ոչ բարվոք վիճակում են լինում, բայց կրկին փորձառու, արհեստավարժ անձնակազմով...
Որպես կանոն, կարողանում են հաղթահարել այդ հոսանքը և շարունակել թռիչքը՝ ուղևորներին կամ ուղեբեռը հասցնելով նպատակակետին։
Իսկ եթե ինքնաթիռը տեխնիկական բարվոք վիճակում է, բայց անձնակազմը՝ ո՛չ փորձառու է և ո՛չ արհեստավարժ՝ ապա շատ դեպքերում այն կա՛մ կործանվում է, կամ էլ, լավագույն դեպքում, հասնում նպատակակետին՝ հոգեկան ու ֆիզիկական վնասվածքներով ուղևորներով կամ ջարդված, փշրված ուղեբեռով:
Պատկերացնո՛ւմ եք ինչպիսի ավարտ կունենա այն ինքնաթիռի թռիչքը, որը հայտվել է տուրբուլենտ հոսանքի մեջ և գտնվում է տեխնիկապես ոչ բարվոք վիճակում՝ ոչ փորձառու, արհեստավարժ անձնակազմի կառավարման, ղեկավարման ներքո:
Հիմա հասկանո՞ւմ եք, թե իրականում ո՛ր ինքնաթիռը և ո՛ր անձնակազմն է Հայաստանի ներկա իրավիճակին համապատասխանում, և ինչպիսի ապագայի «հեռանկարներ» կարող են առաջանալ:
Կարծում եմ, որ ամեն ինչ պարզ է, և հունիսի 20-ին պիտի մի այնպիսի անձնակազմ ընտրենք, որն ի վիճակի կլինի մեզ հասցնել նպատակակետին... կամ էլ, հակառակը, չի հասցնելու նպատակակետին։
Ընտրությունը մերն է»,- գրել է նա։
ПОСЛЕДНИЕ ОТ АВТОРА
-
New2025-06-08 10:05От фракции «Честь имею» НС представлено предложение о выражении недоверия премьер-министру, а в качестве кандидата на пост премьер-министра выдвинут член Совета РПА Давид Амбарцумян.
-
2025-06-07 17:39Фракция «Честь имею» Национального собрания представила предложение о выражении недоверия премьер-министру и в качестве кандидата на пост премьер-министра выдвинула члена Совета РПА, руководителя общины Масис Давида Амбарцумяна.
-
2025-06-07 15:17Турецкая полиция задержала группировку из 20 человек, обвиняемых в краже более 1,1 миллиарда турецких лир (29 миллионов долларов) со счетов иностранных туристов, отдыхавших на турецких курортах, передает госагентство Anadolu.
-
2025-06-07 15:14Более 14 тыс человек пострадали в первый день Курбан-байрама, получив ранения во время закалывания жертвенных животных, сообщил в X министр здравоохранения страны Кемаль Мемишоглу.