2021-06-15 18:24
Информагентства
Արմեն ԳԵՎՈՐԳՅԱՆ. ՊՐՈՑԵՍԸ ՍԿՍՎԵԼ Է ԵՎ ԱՅՆ ԱՆՇՐՋԵԼԻ Է
«Հայաստան» դաշինիքի ընտրական շտաբի ղեկավար Արմեն Գևորգյանը Թելագրամի իր էջում մի քանի դիտարկում է հրապարակել.
«1. Այսօր Ալիեվն ու Էրդողանը միասին լինելու են Շուշիում։ Ստիպված ենք լինելու բոլորս ապրել հերթական ազգային ստորացումը։ Զարհուրելի զուգադիպությամբ` Շուշին հանձնվեց նոյեմբերի 9-ին՝ Ադրբեջանի դրոշի օրը, իսկ Հայաստանի դրոշի օրը՝ այսօր, հունիսի 15-ին, Էրդողանն Ալիևի հետ գնում է Շուշի։ Թուրքերը շատ բծախնդիր են սիմվոլների հանդեպ։ Մեր դրոշի գույներից ամեն մեկը մի կարևոր ու վեհ գաղափար է խորհրդանշում։ Հիմա այդ գաղափարներն ուզում են ոտնատակ տալ՝ թե՛ դրսից, թե՛ ներսից։
2. Խորհրդանշական է, որ հենց այսօր «մուրճով առաջնորդը» ոստիկանական ահռելի ուժերով շրջապատված մեկնում է Սյունիքի գրավմանը։ Պետք է լինենք զուսպ և աչալուրջ` ընդհարումներ և բռնություն թույլ չտալու համար։ Երեկ մենք տեսանք, թե ինչպես «շարքերի ագրեսիվությունը», առաջնորդից առաջ անցնելով, պարպվում է ընդդիմախոսների շտաբների վրա։
3. Ինձ շատերը հարցնում են` իսկ ինչպե՞ս պայքարել նիկոլիզմի դեմ։ Շատ պարզ. նրա դեմ պայքարել պետք չէ. Ուղղակի նրան պետք է զրկել ատելության քարոզի հեռուստատեսային ռեսուրսից, վարչական լծակներից ու մարդկանց ստիպողաբար հավաքների բերելու հնարավորությունից, և նիկոլիզմն ինքն իրեն կանհետանա։ Այն կանհետանա, երբ մեղմվի մեր հասարակության մեջ առկա համատարած վախը` սեփական կարծիք և հայացքներ ունենալու հանդեպ։ Իսկ մինչ այդ մենք պետք է թույլ չտանք, որ նա բերի նոր բախումների ու նոր բռնության։
4. Երկրում ձևավորվում է քաղաքացիների նոր շերտ` քաղաքացիների, որոնք գիտակցում են պետության հանդեպ իրենց անհատական պատասխանատվության գաղափարը և չեն ուզում դիտորդ լինել։ Սա թերևս միակ լուսավոր միտումն է, որ կա այսօրվա իրականության մեջ։ Ի գիտություն. «Հայաստան» դաշինքի մայիսի 9-ի առաջին հանրահավաքից մինչ այս պահը մեր հավաքներին մասնակցել է ավելի քան 150 հազար մարդ։ Հաշվի առնենք՝ առանց որևէ հարկադրանքի ու վարչական ռեսուրսի։ Եվ սա պատասխանատու քաղաքացիների հասարակության ձևավորման պրոցեսն է։ Շատ ավելի մեծ թվով մեր հայրենակիցներ հետևում են մեզ եթերում ու սոցիալական ցանցերում։
5. Պետությունն ամբողջությամբ գտնվում է իներցիոն ռեժիմում։ Այն թևակոխում է անկառավարելի քաոսի փուլ, քանի որ պետական ապարատն այլևս չի ընդունում այս իշխանության հեղինակությունը և արժեքը։
6. Դիմում եմ ուժային և իրավապահ կառույցների նիկոլիստական հատվածին, տարբեր կալիբրի պաշտոնյաներին՝ մեկ վայրկյան անգամ ձեզ չթվա, թե այլևս հնարավոր է կասեցնել մեր ժողովրդի ինքնամաքրման այս պատմական պրոցեսը։ Հանուն ձեր իսկ շահի՝ չխաբեք ձեզ։ Պրոցեսը սկսվել է և այն անշրջելի է։ Ձեր խնդիրն է՝ լինել ժողովրդի կողքին, սատարել խաղաղ ու հանդարտ ապրելու նրա անկեղծ մղումները, թույլ չտալ մեր երկրում նոր արյունահեղություն։ Այսօր, ինչպես և 13 տարի առաջ, ագրեսիվությունը և ատելությունը քարոզում է Նիկոլը, բայց հիմա դա անում է ձեր հովանու տակ։
7. Դիմում եմ նիկոլական ատելության համակիր որոշ գործարարների և «հեղինակությունների»։ Չի լինելու ներում, եթե դուք մեկ վայրկյան անգամ հակաօրինական ուժային աջակցություն ցույց տաք այս ֆաշիստական ռեժիմին»։
ПОСЛЕДНИЕ ОТ АВТОРА
-
New2025-06-17 15:19В условиях растущей нестабильности на Ближнем Востоке и усиления угроз со стороны Турции и Азербайджана, Артур Ванецян — председатель партии «Айреник» («Отечество»), бывший директор Службы национальной безопасности Армении — в серии интервью изданию News.am обозначил критические вызовы, стоящие перед страной, и резко раскритиковал действия действующих властей, возглавляемых премьер-министром Николом Пашиняном.
-
New2025-06-17 14:59Научный журнал Музея-института Геноцида армян вошел в международную сеть Scopus. Об этом заявила министр образования, науки, культуры и спорта Армении Жанна Андреасян.
-
New2025-06-17 14:56Основная причина скопления армянских грузовиков на КПП "Верхний Ларс" – сбои в работе рентгеновских аппаратов на российской стороне. Об этом Sputnik Армения сообщил глава регулирующего отдела экспедиторской компании "Спайка" Карен Агдалян.
-
New2025-06-17 14:53Из Ирана через Армению были эвакуированы 110 граждан Индии, в том числе студенты. Об этом сообщила Sputnik Армения пресс-секретарь МИД Ани Бадалян.