2021-06-18 12:05
Информагентства
Ադրբեջանի գլխավոր դատախազությունը հետախուզում է հայտարարել Արա Աբրահամյանի հանդեպ
Ադրբեջանի գլխավոր դատախազությունը հետախուզում է հայտարարել ռուսաստանցի մի խումբ հայ գործարարների նկատմամբ՝ ՌՀՄ նախագահ Արա Աբրահամյանի գլխավորությամբ, տեղեկացնում է News.am-ը։
Ներկայացնում ենք Ադրբեջանի գլխավոր դատախազության հայտարարության անհեթեթ տեքստը այնպես, ինչպես այն հրապարակվել է ադրբեջանական լրատվամիջոցներում.
«Ադրբեջանական Հանրապետության գլխավոր դատախազության կողմից իրականացվել է հետաքննություն մի շարք ԶԼՄ-ներում և սոցիալական ցանցերում հրապարակված տեղեկատվության հիման վրա Հայաստանի Հանրապետություն և այնտեղից Ադրբեջանի Լեռնային Ղարաբաղի շրջան զենքի և ռազմատեխնիկայի ապօրինի ներկրման մասին։
Պարզվել է, որ «Տաշիր» ընկերությունների խմբի ղեկավար Սամվել Սարգսի Կարապետյանը, որը Հայաստանում հայտնի է որպես «գորշ գործարար», և «Royalsys Engineering»-ի սեփականատեր Դավիթ Գալստյանը, «KOMEX» ընկերության գլխավոր տնօրեն Արա Արշավիրի Աբրահամյանը և այլք Հայաստանի Հանրապետության Զինված ուժերին զենքով, զինամթերքով, պայթուցիկ նյութերով և ռազմատեխնիկայով զինելու նպատակներով, խախտելով Միջազգային բեռնափոխադրումների մաքսային կոնվենցիան և Եվրոպայում սովորական սպառազինությունների սահմանափակման պայմանագիրը, 2001-2021թթ. ընթացքում ուղևորատար ինքնաթիռների, Հայաստանի ՌՕՈւ Ил-76 ТД բեռնատար ինքնաթիռի, ինչպես նաև Արա Աբրահամյանի ձեռք բերած «Իլյուշին-76ТД» բեռնատար ինքնաթիռի միջոցով կազմակերպել են ապօրինի ճանապարհով ձեռք բերված խոշոր տրամաչափի մարտական հրազենի, զինամթերքի, պայթուցիկ նյութերի և սարքերի մաքսանենգություն օդային ճանապարհով դեպի Հայաստանի Հանրապետություն և այնտեղից՝ Հայաստանի կողմից օկուպացված Լեռնային Ղարաբաղ և Ադրբեջանական Հանրապետության հարակից շրջաններ։
2021թ. ապրիլի 28-ին գլխավոր դատախազությունը հարուցել է քրեական գործ Քրեական օրենսգրքի համապատասխան հոդվածերով, գործով քննությունը հանձնարարվել է գլխավոր դատախազության Քննչական վարչությանը։
Սամվել Սարգսի Կարապետյանը, Դավիթ Գալստյանը և Արա Աբրահամյանը մեղադրվում են Քրեական օրենսգրքի 100.1, 218.1, 228.3, 279.1 և 206.4 հոդվածներով, նրանց նկատմամբ որպես խափանման միջոց ընտրվել է ձերբակալությունը, և նրանց բոլորի հանդեպ հայտարարված է միջազգային հետախուզում։
Վերոնշյալ քրեական գործի առնչությամբ գլխավոր դատախազությունը հարցում է ուղարկել արտասահմանյան երկրների համապատասխան պետական մարմիններին իրավական օգնության ցուցաբերման համար։
Գլխավոր դատախազությունը հայտարարում է, որ ձեռնարկվում են բոլոր հնարավոր միջոցները այդ և նման այլ հանցագործությունների մեջ մեղավորներին միջազգային իրավունքին համապատասխան պատասխանատվության ենթարկելու համար»։
ПОСЛЕДНИЕ ОТ АВТОРА
-
New2025-04-23 18:45Всеармянский совет дипломатов выступил с заявлением. В нем отмечается:
-
New2025-04-23 18:14За первый квартал 2025 года зафиксировано 56 случаев различных нарушений прав журналистов и средств массовой информации. Из них 2 – физическое насилие, 25 – другие формы давления и 29 – нарушения права на получение и распространение информации. Такие данные опубликовал Комитет по защите свободы слова.
-
New2025-04-23 18:13В рамках проводимых Союзом армян России мероприятий, приуроченных к 110-й годовщине Геноцида армян в Османской империи, по всей Москве установлены тематические баннеры, напоминающие об одном из самых жестоких преступлений XX века.
-
New2025-04-23 18:10В Ереване в пятый раз прошла международная акция "Сад памяти". В рамках мероприятия на Аллее пограничной славы в Парке Победы высаживаются деревья в честь Победы в Великой Отечественной войне.