2021-06-22 11:11
Информагентства
ՀՀ ԶՈւ Գլխավոր շտաբի պետ․ Մենք մեր տարածքում Ադրբեջանին հարցնելու ոչինչ չունենք
Գեղարքունիքի ու Սյունիքի սահմաններին` Սոթքից մինիչև Խոզնավար, ռուս խաղաղապահների տեղակայման շուրջ բանակցությունները դեռ ընթացքի մեջ են։ Այս մասին այսօր լրագրողների հետ ճեպազրույցում հայտնեց ՀՀ ԶՈւ ԳՇ պետ Արտակ Դավթյանը։
«Երբ որ լինի վերջնական որոշում՝ անպայման տեղյակ կպահենք։ Վերջնական որոշումը միայն մեր ցանկությունը չէ, դրան մասնակցում են նաև այլ կողմեր։ Բանակցություններն ընթանում են»,– ասաց նա։
Լրագրողների հարցին, թե արդյոք ադրբեջանական կողմի հետ էլ են բանակցություններ վարվում, քանի որ համաձայնության դեպքում նախատեսվում է նաև նրանց զինված ուժերի հետքաշում Հայաստանի տարածքից, Արտակ Դավթյանը պատասխանեց. «Մենք մեր տարածքում Ադրբեջանին հարցնելու ոչինչ չունենք, բանակցություններն ընթանում են ռուսական կողմի հետ»։
ԳՇ պետի խոսքով՝ բանակցային այս գործընթացի նպատակը Հայաստանի տարածքից ադրբեջանական ուժերի հետ քաշումն է։
Նա նաև շեշտեց, որ ներկա պահին քննարկվում է ՀՀ սահմանին միայն ռուս սահմանապահ ուժերի ու սահմանապահ զորքերի տեղակայման հարցը, այլ երկրների խաղաղապահների տեղակայման հարց չի քննարկվել ու չի քննարկվում։
Արտակ Դավթյանը նաև հայտարարեց, որ Հայաստանի տարածքից ոչ մի զիջում այդ ընթացքում չի լինելու։ Նրա հայտնած տեղեկություններով ՀՀ սահմաններին ներկա ադրբեջանցիների թիվը մնում է անփոփոխ։
«Միջադեպերը, որ նախկինում կային, այս պահին այդ ծավալով չկան։ Դա առաջին հերթին պայմանավորված է ակտիվ ընթացող բանակցային գործընթացով։ Ուղղակի բանակցային գործընթացին չվնասելու համար դրա առանձին փուլերի արդյունքների մասին չի հայտարարվում։ Վերջնական արդյունքները երբ տեսանելի կլինի, մենք կհայտարարենք»,– ասաց նա։
Ի դեպ, նախօրեին Sputnik Արմենիայի հետ զրույցում Գեղարքունիքի մարզպետ Գնել Սանոսյանը հայտնել էր, որ Սոթք–Խոզնավար հատվածում մոտ օրերս կտեղակայվեն ռուս զինվորականներ։
Սանոսյանը հստակեցրել է, որ ինքը անձամբ չկա բանակցողների մեջ, սակայն տեղյակ է գործընթացից, տեղեկացնում է Sputnik Armenia-ն։
ПОСЛЕДНИЕ ОТ АВТОРА
-
2025-06-14 15:51Верховный лидер Ирана Али Хаменеи назначил Маджида Мусави командующим военно-космическими силами Корпуса стражей исламской революции Ирана, отвечающими за ракетный потенциал республики.
-
2025-06-14 15:48Иран официально уведомил Францию, Великобританию и США о том, что он начнет очень масштабные атаки против Израиля, сообщает Telegram-канал Mehr.
-
2025-06-14 15:47Азербайджан ожидает от Армении конкретных шагов по реализации Зангезурского коридора, который имеет стратегическое значение для всего региона. об этом заявил помощник президента Азербайджана Хикмет Гаджиев, выступая на панельной дискуссии «Средний коридор: новая геополитическая и экономическая линия жизни» в рамках форума GLOBSEC-2025.
-
2025-06-14 15:44Все представители Ирана, участвовавшие в переговорах с США по ядерной сделке, были убиты в ходе ударов Израиля по иранской территории. Об этом рассказал президент США Дональд Трамп в разговоре с журналисткой CNN Даной Баш.