2021-06-27 11:28
Информагентства
Զախարովա. Կիևի և ՆԱՏՕ-ի վարժանքները անվերջ ապակայունացման սադրանք են
Կիևի ու ՆԱՏՕ-ի վարժանքները անվերջ ապակայունացման սադրանք են Ռուսաստանի սահմանի երկայնքով: Այս մասին շաբաթ օրը հայտարարել է ՌԴ ԱԳՆ պաշտոնական ներկայացուցիչ Մարիա Զախարովան, հայտնում է ՏԱՍՍ-ը:
«Չէ որ մենք հիանալի հասկանում ենք, որ այդ վարժանքները ևս երկու գլոբալ նպատակ են հետապնդում: Առաջինը Ռուսաստանի սահմանի երկայնքով անվերջ ապակայունացումն է: Սա սադրանք է՝ հրահրելու, մարտահրավեր նետելու համար: Իսկ այդ պատասխանը պետք է լինի, քանի որ սա ինքնիշխան պետություն է, ինքնիշխան սահման: և որոշ ագրեսիվ գործողություններին անընդհատ պատասխանելը սադրիչ գործողություն է»,- ասել է նա:
«և երկրորդ պահը՝ տեխնիկայի տարբեր տեսակների, զենքի և սարքավորումների տեղափոխումն է Ուկրաինայի տարածք և դրանք այնտեղ թողնելը»,- հավելել է Զախարովան:
Նրա խոսքով՝ այս բոլոր գործողությունները դուրս են գալիս համաձայնագրերի, պայմանավորվածությունների և, ամենակարևորը, վերահսկողության շրջանակից: «Նրանք դիվերսիոն գործունեությամբ են զբաղվում»,- ասել է նա:
ՌԴ ԱԳՆ պաշտոնական ներկայացուցիչը նաև նշել է, որ ՆԱՏՕ-ի երկրներն այս տարի յոթ վարժանք են անցկացնում Ուկրաինայի տարածքում: «Այնտեղ բոլոր ճակատներում արդեն կոլապս է մոտենում, իսկ նրանք դեռ սովորեցնում են: Ընդհանրապես, անհասկանալի է, թե ինչ են սովորեցնում, դժվար թե՝ ինչպես կռվել, մեծ հաշվով»,- ասել է նա:
Բրիտանական հածանավի հետ կապված իրավիճակն ապացուցում է, որ ՆԱՏՕ-ն չի ցանկանում Ռուսաստանի հետ հաղորդակցման հատուկ ուղիներ օգտագործել՝ նման դեպքերը կանխելու համար, ասել է Զախարովան:
«Եթե ձեր ուղերձը բարեկամական է, իսկապես բաց, խաղաղ, միշտ իրավիճակից շտապ դուրս գալու հնարավորություն կա: Մենք ունենք բոլոր դիվանագիտական ուղիները, որոնք գործում են, մենք ունենք հատուկ ալիքներ: Տարբեր երկրներ աշխատում են տարբեր ձևաչափերով` համաձայնեցված, նման իրավիճակներում օգտագործման համար ընդունված: Զանգահարեք, շտապ տեղեկություններ ստացեք ցանկացած գծի վերաբերյալ: Դա արդեն մեկ այլ իրավիճակ է»,- ասել է նա: «[Այս իրավիճակը] ապացուցում է, որ պետությունների միջև գոյություն ունեցող հատուկ կապի կամ հաղորդակցության ուղիները արգելափակված են ՆԱՏՕ-ի կողմից»:
Դիվանագետի խոսքով՝ Մոսկվայում «սադրանք» բառը հազվադեպ է արտասանվում, բայց Սև ծովում տեղի ունեցած միջադեպը տեղ չի թողնում կատարվածի այլ որակումների համար: «Ռուսաստանին անընդհատ անհիմն մեղադրում են նման ենթադրաբար ապակայունացնող վարքի մեջ, բայց իրականում իրավիճակը ապակայունացնում է ոչ թե Ռուսաստանը, այլ մեր արևմտյան գործընկերները»,- ընդգծել է Զախարովան: «Սև ծովում բրիտանացիների և բրիտանական հածանավի վարքագիծը նրանց իրավիճակից դուրս գալու որևէ հնարավորություն չի թողնում։ և ահա ինձ թվում է, որ այս օրինակից հետո հարկավոր է նրանց պահվածքը գնահատելիս ավելի հաճախ օգտագործել «սադրանք», «կանխամտածված սադրանք» բառերը։ «Այդ դեպքում ամեն ինչ իր տեղը կընկնի, տեղեկացնում է News.am-ը։
ПОСЛЕДНИЕ ОТ АВТОРА
-
2025-05-17 15:28Министр образования, науки, культуры и спорта Жанна Андреасян посетила школы сел Мердзаван и Мхчян, в которых на днях произошли скандальные инциденты. Об этом сообщает пресс-служба армянского ведомства.
-
2025-05-17 15:27«С точки зрения комплектования Вооруженных сил и эффективного использования имеющегося потенциала нужно делать платной не возможность освобождения от армии или сокращение срока службы. Можно использовать уже существующие законодательные возможности – при внесении одной-двух поправок», – написал секретарь фракции «Честь имею» Национального Собрания Армении Тигран Абрамян на своей странице в социальной сети Facebook.
-
2025-05-17 15:26Поэт, член Союза писателей Армении Карен Хуршудян стал Кавалером ордена «За заслуги» Франции.
-
2025-05-17 15:25Рубен Варданян стал дедушкой, находясь в азербайджанском СИЗО, а семья лишена возможности сообщить ему радостную новость. Об этом сообщил его сын Давид в интервью GB News. Давид подчеркнул, что его дочь родилась уже после ареста Рубена.