2021-09-08 12:03
Информагентства
Փաշինյան․ Հայաստանը պատրաստ է Թուրքիայի հետ խոսակցության
Կառավարության այսօրվա նիստին ՀՀ վարչապետ Նիկոլ Փաշինյանն անդրադարձավ Ազգային ժողովում կառավարության հնգամյա ծրագրի ներկայացմանը:
«Ես արձանագրեցի, որ սահմանակից երկրների հետ հարաբերությունների խորացումը կառավարության արտաքին քաղաքականության կարևոր ուղղություններից է լինելու», - ասաց նա:
Վարչապետը նշեց՝ թե՛ Իրանի, թե՛ Վրաստանի հետ քննարկումների օրակարգում էական դեր է խաղում տարածաշրջանային կոմունիկացիաների զարգացման թեման ու այս համատեքստում կարևորում է Հյուսիս-հարավ նախագիծը, որը Իրանի հետ ՀՀ սահմանը կապում է Վրաստանի հետ սահմանին:
«Մեզ համար չափազանց կարևոր է երկաթուղային կապի հաստատումը Ռուսաստանի ու Իրանի հետ, այս խնդիրը լուծելու համար Հայաստան-Ռուսաստան-Ադրբեջան եռակողմ ձևաչափով քննարկում ենք կոմունիկացիաների վերաբացման հարցը, այստեղ մենք վճռական ենք՝ ջանքեր գործադրել կոնկրետ արդյունքների հասնելու համար՝ գիտակցելով, որ Ադրբեջանն էլ ակնկալում է հաղորդակցություն ստանալ իր արևմտյան շրջանների ու Նախիջևանի միջև», - ասաց նա:
Նիկոլ Փաշինյանն ընդգծեց՝ Հայաստանը տրամադրված է վերականգնել խաղաղ գործընթացը Ադրբեջանի հետ ԵԱՀԿ ՄԽ համանախագահության շրջանակում:
«Կարևորում եմ նաև Ադրբեջանի հետ սահմանազատում ու սահմանագծում իրականացնելու օրակարգը ու շարունակում ենք աշխատել դրա համար անհրաժեշտ պայմաններ ստեղծելու ուղղությամբ», - ասաց նա:
Նիկոլ Փաշինյանը հույս ունի օր առաջ ավարտին հասցնել գերիների, պատանդների ու այլ պահվող անձանց Հայաստան վերադարձնելու գործընթացը:
Նա հայտարարեց, թե Հայաստանի հետ հարաբերությունների հարցին անդրադարձ է կատարել Թուրքիայի նախագահը:
Փաշինյանն ասաց, թե այդ հայտարարություններում տեսնում է հայ-թուրքական երկաթուղին ու ճանապարհները վերագործարկելու մասին խոսելու հնարավորություն:
«Մենք պատրաստ ենք նման խոսակցության», - հայտարարեց Փաշինյանը:
Նրա խոսքով՝ այս գործընթացին աջակցելու պատրաստակամություն է հայտնել Ռուսաստանի Դաշնությունը:
«Եվրամիությունը, Ֆրանսիան, ԱՄՆ-ն նույնպես հետաքրքրված են այս գործընթացով», - ասաց նա:
Փաշինյանը նշեց, որ խաղաղությունը, կայունությունը, համագործակցությունը հեշտ հայտարարելի ու ցանկալի նպատակներ են, բայց դրանց իրագործման համար խելամիտ ու մտածված ջանքեր են պահանջվում:
«Հայաստանը պատրաստ է նման ջանքեր գործարդել», - եզրափակեց խոսքը վարչապետը, տեղեկացնում է Aysor.am-ը:
ПОСЛЕДНИЕ ОТ АВТОРА
-
2025-06-14 15:51Верховный лидер Ирана Али Хаменеи назначил Маджида Мусави командующим военно-космическими силами Корпуса стражей исламской революции Ирана, отвечающими за ракетный потенциал республики.
-
2025-06-14 15:48Иран официально уведомил Францию, Великобританию и США о том, что он начнет очень масштабные атаки против Израиля, сообщает Telegram-канал Mehr.
-
2025-06-14 15:47Азербайджан ожидает от Армении конкретных шагов по реализации Зангезурского коридора, который имеет стратегическое значение для всего региона. об этом заявил помощник президента Азербайджана Хикмет Гаджиев, выступая на панельной дискуссии «Средний коридор: новая геополитическая и экономическая линия жизни» в рамках форума GLOBSEC-2025.
-
2025-06-14 15:44Все представители Ирана, участвовавшие в переговорах с США по ядерной сделке, были убиты в ходе ударов Израиля по иранской территории. Об этом рассказал президент США Дональд Трамп в разговоре с журналисткой CNN Даной Баш.