2021-09-18 19:12
Информагентства
«ՎԵՐԱԴԱՌՆՈՒՄ ԵՆՔ ՆԻԿՈԼԻ ՍԻՐԱԾ ՈՍՏԻԿԱՆԱՊԵՏՈՒԹՅՈՒՆ ՀԱՍՏԱՏԵԼՈՒ ՓՈՐՁԵՐԻՆ»․ Հայկ Մամիջանյան
Ոստիկանության Կենտրոնի բաժին է այցելել ԱԺ «Պատիվ ունեմ» խմբակցության քարտուղար Հայկ Մամիջանյանը՝ տեղեկանալու, թե ինչ վիճակում են Երևանի Շառլ Ազնավուրի հրապարակում բողոքի ակցիայի ընթացքում բերման ենթարկվածները։
Լրագրողների հետ զրույցում հարցին, թե ինչ պատճառով են քաղաքացիները բերման ենթարկվել, պատգամավորն ասաց․ «Իսկ ի՞նչ պատճառով են մարդիկ այժմյան Հայաստանում բերման ենթարկվում ․ հայրենասիրության, արժանապատվության, իրական պետության մասին մտածելու համար»։
Մամիջանյանը վստահություն հայտնեց, որ ոստիկանությունը շուտով կհայտարարի, թե քաղաքացիները ոստիկանության օրինական պահանջը չեն կատարել, սակայն այդ պահանջն օրինական չի էլ եղել։
«Չի կարող հայրենիքի համար պայքարելը, արժանապատիվ, հայրենասիրական հայացքներ ունենալը պետությանը վնաս դիտարկվել։ Նման կերպ մտածող մարդիկ են մեր երկրի ապագայի երաշխավորները»,- ասաց նա։
Մամիջանյանը հայտնեց, որ ոստիկանության Կենտրոնի բաժանմունքում 8 քաղաքացիներ են, սակայն բերման ենթարկվածներ կան նաև Շենգավիթի բաժանմունքում, նրանց ևս այցելելու են։ Իսկ Կենտրոնի բաժնում գտնվող պրոդյուսեր Արմեն Գրիգորյանը վնասվածքներ ունի։
«Արմեն Գրիգորյանին բերման են ենթարկել ուժով, ընդ որում, բերման ենթարկելու ընթացքում նրան վնասել են, ոտքին և կողքի հատվածում վնասվածքներ է ստացել։ Ոստիկանի օրինական պահանջին չենթարկվելու հանցակազմ այստեղ չի կարող լինել, ակցիան ոչ մեկին վնաս չի տվել, ակցիան կասեցնելու որևէ դրդապատճառ չի եղել։ Մենք վերադառնում ենք հին, Նիկոլի սիրած ոստիկանապետություն հաստատելու փորձերին»,- ասաց նա։
Հայկ Մամիջանյանը հայտնեց, որ բերման ենթարկվածների թվում արցախյան առաջին պատերազմի մասնակիցներ էլ կան։
«Դավաճանական խունտան որոշել է բոլոր այլախոհներին ցույց տալ՝ իբրև փողոցային պայքարի հնարավորություն չկա։ Ես ուզում եմ իրենց հիշեցնել, թե ինչպես էին իրենք վախվորած ամեն մեկը մի բունկեր մտել մոտ կես տարի առաջ ու հասկացնել, որ այդ պահից որևէ բան չի փոխվել։ Ցանկացած պահի այդ ամենը կարող է վերսկսվել»,- ասաց Հայկ Մամիջանյանը։
Հիշեցնենք, որ այսօր Երևանի Շառլ Ազնավուրի հրապարակում էին հավաքվել բազմաթիվ քաղաքացիներ, որոնք բողոքի ակցիա էին անցկացնում՝ ընդդեմ սեպտեմբերի 21-ին Նիկոլ Փաշինյանի ազդարարած «գունագեղ» տոնակատարության։
Ակցիայի մասնակիցների և ոստիկանների միջև քաշքշուկ էր սկսվել, ոստիկանությունն ուժով բերման էր ենթարկել ակցիայի բազմաթիվ մասնակիցների։
ПОСЛЕДНИЕ ОТ АВТОРА
-
New2025-06-10 11:28Никол Пашинян начинает очередную сенсационную кампанию, на этот раз против Армянской апостольской церкви и Католикоса всех армян. Об этом пишет газета «Жоховурд», развивая тему.
-
New2025-06-10 11:27Лицо, провалившее взятые на себя обязательства по Конституции, правительственной и предвыборной программам, не осуществившее ни одной серьёзной реформы или не доведшее их до конца, теперь рассуждает о нравственности и преобразованиях в Церкви.
-
New2025-06-10 11:14Иран сорвал попытку создания "Зангезурского коридора", заявил советник Верховного лидера ИPИ по международным делам Али Акбар Велаяти, сообщает Tasnim.
-
New2025-06-10 11:13Азербайджан и Турция проведут совместные учения в Нахичевани.