2021-09-23 18:52
Информагентства
ՀԱՊԿ-ի զորավարժություններով Ռուսաստանը և Հայաստանը հասկացնում են, որ վերահսկում են իրավիճակը
ՀԱՊԿ-ի օպերատիվ արձագանքման ստորաբաժանումների՝ սեպտեմբերի 24-ին մեկնարկող «Որոտ-2021» վարժանքները, անկախ դրանց ծավալներից, գլոբալ նշանակություն ունեն և լինելու են արտաքին դերակատարների համակ ուշադրության կենտրոնում՝ Հայաստանի և Հարավային Կովկասի աշխարհաքաղաքական բացառիկ կարևորության պատճառով: «Արմենպրես»-ի հետ զրույցում այսպիսի կարծիք հայտնեց ռուսաստանյան Ռազմավարական կոնյուկտուրայի կենտրոնի տնօրեն, ռազմական փորձագետ Իվան Կոնովալովը՝ ընդգծելով, որ այդօրինակ զորավարժությունները, որպես կանոն, շատ լուրջ ուղերձ են պարունակում: Տվյալ պարագայում դրանք հասցեագրված են այդ թվում Թուրքիային և Ադրբեջանին:
«Նմանատիպ զորավարժությունների անցկացումը, ըստ էության, ոչ թե տարածաշրջանային, այլ նույնիսկ գլոբալ նշանակություն ունի մեկ պարզ պատճառով, որ Հայաստանը և Հարավային Կովկասի ողջ տարածաշրջանը բացառիկ կարևորություն ունեն աշխարհաքաղաքական իմաստով: Եվ նմանատիպ զորավարժությունների անցկացումը, որպես կանոն, շատ լուրջ «մեսիջ» է պարունակում: Բնականաբար, այդպիսի զորավարժությունները լինում են ամենատարբեր աշխարհաքաղաքական խաղացողների և առաջին հերթին՝ հարավկովկասյան հանրապետությունների և Հարավային Կովկասի շուրջ հավաքված արտաքին դերակատարների համակ ուշադրության կենտրոնում: Նրանց թվում են Ռուսաստանը, Թուրքիան, Իրանը, Միացյալ Նահանգները, Ֆրանսիան: Այնպես որ, այդօրինակ զորավարժությունները, անկախ դրանց ծավալներից, մեծ ուշադրության կենտրոնում են լինում», - մեկնաբանեց Իվան Կոնովալովը՝ շեշտելով, որ զորավարժությունների կարևորությունը որոշվում է այն վայրով, որտեղ դրանք անցկացվում են:
Տվյալ դեպքում զորավարժությունը տեղի է ունենալու Հայաստանում, և դա ՀԱՊԿ-ի զորախաղերի առաջնային կարևորությունն է: Իսկ թե ովքե՞ր և ի՞նչ ձևաչափով են դրանք անցկացնում, ըստ Կոնովալովի՝ այլ հարց է:
«Կարևորն այն է, որ նմանատիպ զորավարժությունները՝ ինչպիսին, օրինակ, «Որոտ-2021»-ն է, կոչված են հասկացնելու շահագրգիռ շատ երկրների ու կողմերի, որ Ռուսաստանի և Հայաստանի հետ կապված իրավիճակը երկուստեք վերահսկողության տակ է», - ընդգծեց զրուցակիցը:
Ռուսաստանցի փորձագետն, ի դեպ, համաձայն չէ այն տեսակետի հետ, որ ռազմական վարժանքները ՀԱՊԿ-ի շրջանակներում հաճախ չեն անցկացվում: Ըստ նրա՝ ՀԱՊԿ-ի առանձնահատկություններից մեկն այն է, որ զորավարժություններն այս կազմակերպության ներսում հաճախ անց են կացվում երկկողմ ձևաչափով: Այդպիսին էին, օրինակ, այս ամսվա ընթացքում տեղի ունեցած «Արևմուտք-2021» ռազմավարական զորավարժությունները, որոնք ունեին երկու գլխավոր կողմ՝ Ռուսաստան և Բելառուս, սակայն կային նաև այլ մասնակիցներ, այդ թվում՝ ՀԱՊԿ անդամ չհանդիսացող երկրներ:
ПОСЛЕДНИЕ ОТ АВТОРА
-
2025-06-02 21:132 июня в Первопрестольном Святом Эчмиадзине под председательством Католикоса всех армян Гарегина II состоялось заседание Высшего духовного совета, в котором приняли участие епископы и руководители епархий из Армении и диаспоры. Как сообщили Новости Армении – NEWS.am в пресс-службе Первопрестольного Святого Эчмиадзина, на заседании обсуждались вопросы, связанные с вызовами, стоящими перед родиной, церковно-государственными отношениями, а также ряд ключевых вопросов, волнующих общество. Особое внимание было уделено позорной антицерковной кампании, развязанной премьер-министром в последние дни. В связи с этим Высший духовный совет выступил с заявлением, в котором отмечается:
-
2025-06-02 19:452 июня прошел второй раунд переговоров, сосредоточенный на трех ключевых темах: меморандуме, обмене пленными и телами погибших, а также вопросе с детьми.
-
2025-06-02 19:42Пострадавшие от мошенничества в банках и кредитных организациях граждане потребовали от Национального собрания отставки главы Центробанка Армении Мартина Галстяна.
-
2025-06-02 19:38Правозащитник Ваган Ованнисян представил в Следственный комитет сообщение о преступлении, совершённом бывшим членом партии «Гражданский договор», актером Гнелом Саргсяном, касающемся случая хулиганства у монастырского комплекса в селе Мармашен Ширакской области.