2021-09-25 15:56
Информагентства
Հոկտեմբերին ՀՀ-ում երրորդ անգամ կանցկացվի «Մտքերի հայկական գագաթնաժողովը» (ՏԵՍԱՆՅՈՒԹ)
Օրերս ֆրանսիական Շամոնիում անցկացված հերթական «Մտքերի գագաթնաժողովը» համախմբել էր տարբեր երկրների ներկա ու նախկին պաշտոնյաների, քաղաքական, տնտեսական, գիտական, մշակութային և գործարար շրջանակների հայտնի դեմքերի, միջազգային վերլուծական կենտրոնների ղեկավարների: Գագաթնաժողովին մասնակցում էր Հայաստանի Հանրապետության նախագահ Արմեն Սարգսյանը:
«Արմենպրես»-ի հաղորդմամբ, ՀՀ նախագահի աշխատակազմի հասարակայնության հետ կապերի վարչությունը տեղեկացնում է, որ «Մտքերի գագաթնաժողովը» գաղափարների, գիտելիքների ու փորձառության փոխանակման յուրատեսակ հարթակ է, որի հիմնական նպատակներն են կարևորագույն հարցերի վերաբերյալ նոր գաղափարների ներկայացումը, անմիջական քննարկումների միջոցով փոխվստահելի գործընկերային կապերի հաստատումը:
Ավանդաբար Ֆրանսիայի Շամոնի քաղաքում անցկացվող միջազգային հեղինակավոր այս համաժողովը 2019թ. հունիսին հյուրընկալվել էր Հայաստանում՝ Դիլիջանում: Իր պատմության ընթացքում գագաթնաժողովն առաջին անգամ անցկացվեց Շամոնիից դուրս: Դրա կազմակերպման մասին բացառիկ պայմանավորվածություն էր ձեռք բերվել դեռևս 2018 թվականի սեպտեմբերին, երբ Հայաստանի Հանրապետության նախագահ Արմեն Սարգսյանը որպես գլխավոր բանախոս մասնակցում էր «Մտքերի գագաթնաժողովին»:
Դիլիջանում անցկացված համաժողովը ստացավ «Մտքերի հայկական գագաթնաժողով» անվանումը և այսօր արդեն հայկական յուրօրինակ բրենդ է դարձել:
Դեռևս 2019-ին Շամոնին ցանկություն է հայտնել բարեկամական ավելի խորը հարաբերություններ հաստատել Դիլիջանի հետ: Շամոնին դասական օրինակ է, թե ինչպես կարող է փոքր քաղաքը մեծ հաջողություն ունենալ: Լինելով Դիլիջանից փոքր, ունենալով 10 հազարից պակաս բնակչություն՝ Շամոնին տարեկան 5 մլն զբոսաշրջիկ է ընդունում՝ դահուկային սպորտի սիրահարներից մինչև մշակութային ու համաժողովային այցելություններ:
Ե՛վ Շամոնին, և՛ Դիլիջանն ունեն հիանալի բնություն, մաքուր օդ, էկոլոգիապես մաքուր միջավայր: Զարգացման հստակ տեսլականի, ռազմավարության ու ծրագրի ձևակերպման պարագայում Դիլիջանը նույնպես ունի բոլոր հնարավորությունները՝ դառնալու տուրիստական կենտրոն, մշակութային, ինտելեկտուալ, զբոսաշրջային քաղաք: Շամոնիի և Դիլիջանի բարեկամությունը Հայաստան կբերի ոչ միայն մտքեր ու գաղափարներ, այլև փորձ, գործարար կապեր, միջազգային գործընկերություն:
Նախագահ Արմեն Սարգսյանը Շամոնիի քննարկումների մասնակիցներին հրավիրել է արդեն հաջորդ ամիս՝ հոկտեմբեր 23-ից 24-ը Դիլիջանում նախատեսված «Մտքերի հայկական երրորդ գագաթնաժողով»-ին, որը բացառիկ հնարավորություն է Հայաստանի ներուժի ներկայացման, համագործակցության նոր ուղղությունների զարգացման, գործարար կապերի հաստատման տեսանկյունից:
ПОСЛЕДНИЕ ОТ АВТОРА
-
2025-07-26 14:32Несмотря на то, что власти подавляли митинги и акции народа Арцаха угрозами и шантажом применения силы, ситуация не изменилась, заявил депутат Национального собрания Армении Тигран Абрамян.
-
2025-07-26 14:31Представитель МИД Армении Ани Бадалян обвинила армянскую службу «Радио Свобода» в распространении дезинформации о дороге, проходящей через Сюник, и её возможной передаче под контроль США. Она отметила, что ложные тезисы были опубликованы параллельно с материалами российского телеканала «Россия сегодня».
-
2025-07-26 14:29После ремонта газопровода, с 13:40 субботы возобновлена подача газа в Армению. Об этом сообщает "Газпром Армения".
-
2025-07-26 14:27Новоназначенный заместитель директора по сбыту компании «Электросети Армении» (ЭСА), директор по обслуживанию электроснабжения Еревана Арман Смбатян получил должность благодаря тому, что катался на велосипеде с премьер-министром Николом Пашиняном и сблизился с ним, пишет газета «Грапарак».