Последние новости
2021-09-25 15:59

Իշխան Սաղաթելյան․ Սեպտեմբերի 26-ին մենք երթ-մոմավառություն ենք անցկացնում

0
Telegram

Սեպտեմբերի 26-ին մենք երթ-մոմավառություն ենք անցկացնում` ի հիշատակ մեր սուրբ նահատակների, մեր հերոսների, քաղաքական ելույթներ չեն լինելու: Այս մասին News.am-ի հետ զրույցում ասաց ԱԺ փոխնախագահ, «Հայաստան» դաշինքի պատգամավոր Իշխան Սաղաթելյանը:

«Երթը մեկնարկելու է Գարեգին Նժդեհի հրապարակից, երթը կազմակերպում «Հայաստան» դաշինքը, բայց ինքը քաղաքական միջոցառում չէ, ինքը բացղ է մեր հայերնակիցների համար: Երթի նպատակն է հարգել մեր զոհերի, սուրբ նահատակների հիշատակը և ցույց տալ, որ հայ ժողովուրդը համախմբված է, տեր է իր հայրենիքին, տեր է իր պետականությանը և հայրենիքի համար նահատակված հերոսների գործը շարունակող է լինելու: Նույնիսկ քաղաքական ելույթ նախատեսված չէ, որովհետև այդ օրվա խորհուրդը և մեր առջև դրված նպատակը այլ է, հետևաբար մեր քաղաքացիներին` անկախ քաղաքական հայացնքերից միանալ մեր երթին, մոմավառությանը, իրենց զորակցությունը հայտնելու և ցույց տալու, որ մեր պետությունը կանգնող է և մեր տղերքի գործը շարունակող կա»,-ասաց նա:

Սաղաթելյանը նշեց, որ այսուհետ բազմաթիվ քաղաքական ակցիաներ կանցկացնեն, քանի որ միայն խորհրդարանական գործունեությամբ չեն կարող կանխել պետությանը սպառնացող վտանգը. «Հետևաբար մենք երկու ուղղությամբ էլ շատ ակտիվորեն աշխատելու ենք` և խորհրդարանում և խորհրդարանից դուրս: Այո, դուք ականատես կլինեք տարբեր ակցիաների` երթերի, հանրահավաքների և միջոցառումների, նաև նախատեսում ենք հանդիպումներ կազմակերպել մարզերում»:

Հիշեցնենք, որ սեպտեմբերի 26-ին, ժամը 18։30-ին «Հայաստան» դաշինքը նախաձեռնել է Գարեգին Նժդեհի հրապարակից ջահերով երթ դեպի Եռաբլուր:

ПОСЛЕДНИЕ ОТ АВТОРА

ПОСЛЕДНЕЕ ПО ТЕМЕ