2021-10-20 18:24
Информагентства
Երևանյան բողոքի ակցիայի մասնակիցներից 10–ի նկատմամբ քրգործ է հարուցվել
ՀՀ գլխավոր դատախազության շենքի դիմաց ապրիլին բողոքի ակցիա իրականացրած անձանց դեմ հարուցված քրեական գործի նախաքննությունն ավարտվել է, 10 հոգու մեղադրանք է առաջադրվել։ Տեղեկությունը հայտնում է ՀՀ քննչական կոմիտեի մամուլի ծառայությունը։
2021թ. ապրիլի 22-ին՝ ժամը 18:00-ի սահմաններում, բազմաթիվ անձինք Երևան քաղաքի Հանրապետության հրապարակի մոտակայքում մասնակցել էին «Ի աջակցություն ձերբակալված սյունեցիների» կազմակերպված հավաքին: Այնուհետև գնացել և ակցիան շարունակել էին ՀՀ գլխավոր դատախազության վարչական շենքի կենտրոնական մուտքի դիմաց, որի ընթացքում հիշյալ հավաքի 10 մասնակից, ըստ ՔԿ–ի, կոպիտ կերպով խախտել են հասարակական կարգը և տևական ժամանակ բարձրաձայն հայհոյանքներ հնչեցրել:
«Նրանցից երկուսը տարբեր իրերով հարվածել են ՀՀ գլխավոր դատախազության վարչական շենքին, անհանգստություն և տագնապի զգացում առաջացրել տեղում ծառայություն իրականացնող ոստիկանների, դատախազության վարչական շենքում գտնվող աշխատակիցների և պատահական անցորդների մոտ՝ այդ կերպ բացահայտ անհարգալից վերաբերմունք դրսևորելով հասարակության նկատմամբ»,– նշված է հաղորդագրության մեջ:
Քրեական գործով ձեռք բերված բավարար ապացույցների համակցությամբ՝ հիշյալ 10 մասնակիցներին մեղադրանք է առաջադրվել ՀՀ քրեական օրենսգրքի 258-րդ հոդվածի 1-ին մասով (խուլիգանություն), և նրանց նկատմամբ որպես խափանման միջոց կիրառվել է ստորագրությունը՝ չհեռանալու մասին:
Նախաքննությունն ավարտվել է, և քրեական գործը, մեղադրական եզրակացությունը հաստատելու և դատարան ուղարկելու միջնորդությամբ, ուղարկվել է հսկողություն իրականացնող դատախազին, տեղեկացնում է Sputnik Արմենիա-ն:
ПОСЛЕДНИЕ ОТ АВТОРА
-
New2025-04-11 06:28В районе Нордуз завершились военные учения Ирана и Армении, они проводились два дня.
-
New2025-04-11 06:24В Баку прошло очередное заседание "суда" по так называемому делу карабахского военно-политического руководства. По информации азербайджанских СМИ, в ходе слушаний были допрошены несколько армянских пленных.
-
New2025-04-11 06:20Встреча делегаций России и США в Стамбуле касалась исключительно вопросов работы дипломатических представительств, заявили в Госдепартаменте США.
-
New2025-04-11 06:19Китай и Европейский союз обсудили в ходе видеоконференции возможности укрепления торгово-экономического сотрудничества в ответ на введенные США пошлины. Как передает Арменпресс со ссылкой на Reuters, об этом сообщило министерство коммерции Китая.