2021-11-10 18:18
Рубен МАРГАРЯН
0
ԱՊՐԵԼ ԻՆՉՊԵՍ ՀՐԱՁԳԱՐԱՆՈՒ՞Մ
Ադրբեջանի ԱԳՆ-ը փաստորեն արդարացրեց Արցախում ջրատարի նորոգման բրիգադի աշխատող Մարտիկ Երեմյանի սպանությունը, հայտարարելով, թե ջրատարի վերանորոգումը Շուշիի մոտակայքում, այն ժամանակ, երբ այնտեղ է գտնվում Իլհամ Ալիևը, «բազմաթիվ հարցեր է առաջացնում»: Այստեղ կարելի է զերծ մնալ մեկնաբանություններից. հասկանալի է, որ չնայած ռուսական խաղաղապահ զորակազմի հավաստիացումներին, թե ընթանում է միջադեպի հետաքննություն, Բաքուն մարդասպանին չի հանձնի և չի պատժի: Չէ՞ որ, ըստ Բաքվի ԱԳՆ-ի տրամաբանության, նա «փրկել է Ալիևի կյանքը»։
Հիշեցնենք, որ ավելի վաղ անպատիժ մնաց Մարտակերտի շրջանում հայ տրակտորիստին սպանած ադրբեջանցի դիպուկահարը։ Ընդ որում տրակտորիստի կողքին է եղել ռուսական խաղաղապահ զորակազմի զինծառայող։
Այս ամենն ապացուցում է, որ առնվազն այսօրվա դրությամբ խոսակցությունները տարածաշրջանում «խաղաղության դարաշրջանի» վերաբերյալ, որի մասին այնքա՜ն սիրում է խոսել Փաշինյանը, առայժմ ոչ այլ ինչ են, քան պատրանքներ։ Տարածաշրջանում խաղաղությունը պահպանվում է ռուսական խաղաղապահ զորակազմի ջանքերով, որը, սակայն, միշտ չէ, որ հասցնում է արձագանքել Իլհամ Ալիևի հանցախմբերի գործողություններին: Ըստ երևույթին, այդ իրողությունների գիտակցմամբ է բացատրվում նաև եռակողմ հայտարարության ստորագրման տարելիցի օրը նախատեսված Պուտինի, Ալիևի և Փաշինյանի տեսակոնֆերանսի հետաձգումը, որի մասին ավելի վաղ հայտնել էր ՌԴ նախագահի խոսնակ Դմիտրի Պեսկովը։
Իսկապես, օրինակ, հաղորդակցության ի՞նչ ապաշրջափակման մասին կարելի է խոսել նման պայմաններում։ Ո՞ր մի խելամիտ հայը կօգտվի ադրբեջանական երկաթուղու ծառայություններից, հասկանալով, որ իրեն կարող են անպատիժ գնդակահարել, ասենք՝ այն պատրվակով, թե հայը Բաքվի միջով անցնող գնացքում է եղել այն ժամանակ, երբ այնտեղ էր Իլհամ Ալիևը... Եվ այս իրավիճակում արցախահայերից դեռ պահանջում են լուծարել բանակը։
Սոցիալական ցանցերի օգտատերերից մեկը գրում է. «Փաստացի դա նշանակում է՝ նստեք տեղներդ, չլպտաք, զենքը հանձնեք, խրամատներ չփորեք, պատկերացրեք, թե կյանքը շարունակվում է... Բայց ձեր վրա պարբերաբար կկրակեն՝ ինչպես հրաձգարանում, իսկ պատասխանել պետք չէ, չէ՞ որ «վատ խաղաղությունը պատերազմից լավ է»:
Հասկանալի է, որ Արցախը նման վիճակի հետ չի հաշտվի երբեք։ Անկախ Փաշինյանի, Տեր-Պետրոսյանի, Արայիկ Հարությունյանի պատրանքներից... Եվ անկախ Փաշինյանի մտերիմ օլիգարխի բյուրեղյա երազանքից՝ թուրքական բենզին վաճառելու Հայաստանում։ Չենք խոսում արդեն այն մասին, որ Արցախի բնակիչների սպանությունները վարկաբեկում են ռուսական զորակազմի առաքելությունը, Մոսկվայի ջանքերն ընդհանրապես։
Ինչպիսի՞ն կարող է լինել լուծումը: Կա միայն մեկ ելք. եթե դիմացինդ հասկանում է միայն ուժի լեզուն, ապա նրա հետ պետք է խոսել այդ լեզվով, ամրապնդել Հայաստանի և ԼՂՀ զինված ուժերը։ Դրա այլընտրանքը միայն ՀՀ-ն և Արցախը քայլ առ քայլ հանձնելն է։ Ավաղ, մեզանում դեռևս ոչ բոլորն են գիտակցել այդ փաստը, թեև թուրք-ադրբեջանական տանդեմն իր ծրագրերը ոչ միայն չի թաքցնում, այլև հաստատում է դրանք կոնկրետ գործողություններով։
Երեկ երեկոյան տեղեկություն ստացվեց Վայոց Ձորի Խաչիկ գյուղի բնակչի՝ դաշտում աշխատող տրակտորիստի վրա արձակված կրակոցների մասին. նրան հրաշքով հաջողվել է փրկվել։ Սա լոկ մեկն է՝ արդեն տեղի ունեցած բազմաթիվ միջադեպերից, որոնք ապացուցում են խաղաղության մասին փաշինյանական զառանցանքների բացարձակ անիրագործելիությունը։ Ընդ որում առանձնապես կարևոր չէ՝ Արցախի մասին է արդյոք խոսքը, թե Հայաստանի. հայերն ամենուր լոկ թիրախ են թշնամու համար, որը համառորեն չի ցանկանում պարզապես «խաղաղ հարևան» լինել Փաշինյանի համար։
Հուսանք, որ Հայաստանի ղեկավարությունը, թեկուզև այսպիսի կազմով, այնուամենայնիվ կգործի իրողություններին համապատասխան, և այդ համատեքստում առաջին ծիծեռնակը Հայաստանի պաշտպանության նախարարի այցն է Արցախ։ Ի վերջո, դա է պահանջում ինքնապահպանման տարրական բնազդը…
Երբ նյութն արդեն պատրաստ էր, հաղորդագրություն ստացվեց այն մասին, որ ՀՀ զինված ուժերը նոր հենակետ են տեղադրել Սև լճի շրջանում, որտեղ ադրբեջանական ստորաբաժանումները խախտել են Հայաստանի սահմանները: Դատելով առաջին հաղորդագրություններից՝ հայկական հենակետը ադրբեջանական ԶՈՒ-ի դիրքերի հետևում է՝ փաստացի կտրելով թիկունքից։ Հաղորդվում է, որ ծեծկռտուք է տեղի ունեցել, ադրբեջանցիները պահանջում են հեռացնել նոր հենակետը, հայկական կողմը հրաժարվում է և պահանջում հեռացնել ադրբեջանականը, քանի որ այն գտնվում է Հայաստանի տարածքում…
Այստեղ գլխավորն այն է, որ Փաշինյանը կրկին մեջ չընկնի…
ПОСЛЕДНИЕ ОТ АВТОРА
-
2024-11-25 10:50В последнем своем интервью Никол Воваевич популярно объяснил, почему побрился. Оказывается, есть на то конкретная причина. До сей поры, оказывается, у него было много вопросов к самому себе после 44-дневной войны. И когда он ложился спать, думал над этими вопросами. Задавал себе эти бесчисленные вопросы, думал над ними, искал ответы. Пока не засыпал. Но вот, наконец, свершилось. Не осталось более вопросов. Теперь премьер спит спокойно и в ознаменование этого сна без вопросов он и побрился. Радуйся, народ армянский! Что означает, когда у человека вопросы к самому себе? Это поиск ответов на вопрос, правильно ли он поступил в той или иной ситуации. Надо полагать, теперь премьер уверен: все делал правильно, а то, что случилось, должно было случиться…
-
2024-11-22 09:08Действующему президенту США Джозефу Байдену сегодня исполнилось 82. Редкий пример политического долголетия как свидетельство общего повышения уровня жизни и ее продолжительности. Однако запомнится Байден, некогда тоже любитель велопрогулок, не столько этим, сколько своим вкладом в противостояние Запада и России.
-
2024-11-20 12:53Хокку Овик складывает мандат. Плакала ипотека Овика, роняю и я скупую мужскую слезу…
-
2024-11-18 12:45Две новости взбудоражили армянскую общественность в последние часы минувшего уикенда. Одна новость - про парад отставок, уже состоявшихся и еще грядущих, в команде чиновников Пашиняна. Другая новость - про то, что уходящая администрация Байдена дала Зеленскому отмашку на удары американскими дальнобойными ракетами ATACMS вглубь российской территории. Позже добавилась информация, что Франция и Британия также «дали зеленый свет» на нанесение ударов вглубь РФ ракетами SCALP/Storm Shadow. Первую новость, про отставки в команде Пашиняна, пока оставим в покое, как менее существенную, тем более, что процесс отставок еще продолжается.
ПОСЛЕДНЕЕ ПО ТЕМЕ
-
2022-04-15 08:16Ադրբեջանը փորձում է արագացնել իրադարձությունները Երբ գործընթացը, որի արդյունքում նախատեսվում է խաղաղության համաձայնագիր ստորագրել, մեկնարկում է Արցախի կարգավիճակի հստակեցման շրջանցումով, ապա եզրահանգումը կարող է լինել միայն մեկը. իշխող ռեժիմի պարագլուխը կրկին որոշել է «ամեն ինչ սկսել սեփական կետից»։ Նման եզրակացության է հանգեցնում նաև խոշոր գործարար Գուրգեն Արսենյանի խորհրդարանի ամբիոնից Փաշինյանին ուղղած կոչը՝ «սթափեցնել Ղարաբաղի ղեկավարությանը»։ Գործարար պատգամավորը շա՜տ է շտապում բիզնես սկսել թուրքերի հետ…
-
2022-04-08 08:59Ինչ վերաբերում է Բրյուսելում Ալիևի, Փաշինյանի և Շառլ Միշելի բանակցությունների արդյունքներին։ Հայկական կողմի համար ամենադրականն այն է, որ համատեղ ճեպազրույց չեղավ։ Այդպիսի ճեպազրույցների ժամանակ Փաշինյանն Ալիևի կողքին ողորմելի է դիտվում։ Համատեղ ասուլիսի բացակայությունը բոնուս է Փաշինյանի համար, որը դժվար թե ասելիք ունենար՝ ի պատասխան հայ հասարակայնությանը հուզող հարցերին։
-
2022-04-05 19:27Կապիտուլյանտը վախեցնում է պատերազմով՝ հող նախապատրաստելով նոր դավաճանության համար։ Արցախի Հանրապետության Պաշտպանության բանակը պաշտպանեց Քարագլխի ռազմավարական գագաթի մի մասը, չնայած թուրքական «բայրաքթարերից» ռմբակոծմանը և հակառակ Փաշինյանի ռեժիմի գաղտնի հրահանգներին։ Այս մասին վերջին օրերին բացահայտ հայտարարում են ռազմական փորձագետները։ Մասնավորապես, Դավիթ Ջամալյանը նշել է, որ Արցախի ղեկավարության կախվածությունը կապիտուլյանտի ռեժիմի ազդեցությունից էականորեն նվազել է։ Փորձագետը բարձր է գնահատել Պաշտպանության բանակի ջանքերը՝ Քարագլուխից ադրբեջանցիների մասնակի հետմղման ուղղությամբ:
-
2022-03-16 19:42Լեռնային Ղարաբաղի արտգործնախարար Դավիթ Բաբայանը հայտարարում է, որ Արցախի ճանաչումը որպես Ադրբեջանի մաս անհնար է։ Դա կհանգեցնի հայկական Արցախի ոչնչացման։ Դավիթ Բաբայանը վստահ է. ինչպես էլ որ ընթանա հայ-ադրբեջանական հարաբերությունների կարգավորման գործընթացը, այն չպետք է ընթանա Արցախի շահերի հաշվին: Դավիթ Բաբայանը համարում է, որ Երևանում չի կարող լինել այնպիսի իշխանություն, որը կհամաձայնի Արցախի կարգավիճակին Ադրբեջանի կազմում... Բուն այն փաստը, որ Դավիթ Բաբայանը հայտարարում է դա, վկայում է այն մասին, որ իրականում նա լուրջ կասկածներ ունի։