Последние новости

ԱՊԱՇՐՋԱՓԱԿՈՒՄ. ԱՐԺԵ՞ ԱՐԴՅՈՔ ԱՐԴՅՈՒՆՔԸ ՋԱՆՔԵՐԻՆ

Հայաստանի, Թուրքիայի և Ադրբեջանի միջև հաղորդակցության ապաշրջափակումը էապես կբարելավի մեր ձեռնարկումների հնարավորություններն ու մրցունակությունը, հայտարարել է լրագրողներին ՀՀ էկոնոմիկայի նախարար Վահան Քերոբյանը: «Ընդհանուր առմամբ, ինչպես արդեն ասել եմ, հաշվարկված է, որ տարածաշրջանում հաղորդակցության ապաշրջափակումը կհանգեցնի Հայաստանի ՀՆԱ-ի 30 տոկոս աճին: Սա ոչ միայն մեր, այլ միջազգային գործընկերների, այդ թվում Համաշխարհային բանկի ու Ասիական զարգացման բանկի ուսումնասիրություներն են»,- ասել է Քերոբյանը Երևանում անցկացված «Հայ-ռուսական տնտեսական համագործակցություն. հեռանկարային նախագծեր» գործարար համաժողովի կողասրահներում, հաղորդում է ԱՌԿԱ գործակալությունը:

ԲԱՅՑ ԱՆՀՆԱՐ Է ԼՌԵԼ: Թե որքանով է իրատեսական այդ կանխատեսումը, առանձին հարց է։ Ակնհայտ է, որ նախարարի վկայակոչած հետազոտությունները կառուցված են տարածաշրջանում կատարյալ կայունության, խաղաղության և համագործակցության սցենարների վրա։ Իսկ դա տեսանելի հեռանկարում պարզապես ֆանտաստիկայի ոլորտից է։ Սակայն եթե նույնիսկ զուտ տեսականորեն ենթադրենք ապաշրջափակման և բնականոն գործունեության հնարավորությունը, հայկական կողմի համար նման մակրոտնտեսական ապագան առանձնակի հրապուրիչ տեսք չունի։

Իրականում երկու տարվա ընթացքում ՀՆԱ-ի 30-տոկոսանոց աճը չնչին բան է, որն այսօր Հայաստանի կառավարությունը փորձում է ներկայացնել իբրև երկրի սոցիալ-տնտեսական կյանքի արմատական բարելավում խոստացող ինչ-որ գերդրական բան։

Նախևառաջ ուշադրություն դարձնենք հետևյալ փաստին. 20 տարի առաջ Հայաստանում ՀՆԱ-ի աճի նույն տեմպն ապահովվել է առանց ապաշրջափակման գաղափարի, իսկ ավելի ճիշտ՝ տրանսպորտային խուլ շրջափակման պայմաններում։ Օրինակ, 2002 և 2003 թվականներին երկրի ՀՆԱ-ն աճել է 27%-ով։ Մեկ այլ օրինակ. 10 տարի առաջ՝ 2011-ին և 2012-ին ՀՆԱ-ն ընդհանուր հաշվարկով աճել է 21%-ով։

Երրորդ օրինակը. երկու տարի առաջ՝ 2018-2019-ին այդ ցուցանիշն աճել է 16%-ով։ Իհարկե, այդ ամենը 30% չէ, բայց կրկնեմ՝ նման ցուցանիշներ արձանագրվել են տրանսպորտային շրջափակման պայմաններում։ Իսկ հիմա ապաշրջափակումը բերելու է ընդամենը 30%։ Համաձայնեք, ողորմելի շահաբաժին։ Մանավանդ եթե ՀՆԱ-ի աճը դիտարկենք երկրի սոցիալ-տնտեսական կյանքի տեսանկյունից, նայենք, թե ինչ կտա ՀՆԱ-ի աճը պետական գանձարանին։ Եվ այստեղ պատկերը, ուղիղն ասենք, առանձնապես ոգևորող չէ։

Բանն այն է, որ այսօր ՀՆԱ-ի հարաբերակցությունը բյուջեի հարկային եկամուտների հետ կազմում է 23%-ից էլ պակաս։ Դա նշանակում է, որ եթե երկու տարվա ընթացքում ՀՆԱ-ն ավելանա 30%-ով և հասնի մոտ 16 մլրդ դոլարի, ապա երկրի բյուջեին դա կբերի 3,5 մլրդ դոլարից քիչ ավելի։ Եվ դա այն դեպքում, երբ ընթացիկ տարվա բյուջեի եկամուտները նախատեսված են 3 մլրդ 70 մլն դոլարի մակարդակով։ Այսպիսով, Հայաստանի ապաշրջափակման էպոպեայից պետական գանձարանը երկու տարվա ընթացքում կարող է ստանալ ընդամենը 500 միլիոն դոլար։ Պարզապես ծիծաղելի է հաղորդակցության ապաշրջափակման այդօրինակ արդյունքը համարել էական ու համարժեք։

Ակնհայտ է, որ իրականում հաղորդակցության ապաշրջափակման կողմնակիցներն ամեն գնով փորձում են իբրև այդ գործընթացի բերած ահռելի շահ ներկայացնել ՀՆԱ-ի սովորական բնական աճը։ Եվ ոչ ավելին։ Ընդ որում ակնհայտ է նաև, որ հանուն այդօրինակ մտացածին շահաբաժինների երկիրը ենթարկվում է թուրք-ադրբեջանական կապիտալի ազդեցության տակ հայտնվելու վտանգի, որը նույն երկու տարում հանգիստ կարող է կուլ տալ հայկական տնտեսության մնացորդները։ Ուրեմն արժե՞ արդյոք արդյունքը ջանքերին։

    ПОСЛЕДНИЕ ОТ АВТОРА

    • А КТО ПОСТАВИЛ НА ПАНДЕМИЮ?
      2024-03-21 15:30

      Проект партнерства государства и частного сектора по созданию авиакомпании Fly Arna провалился, заявил в среду премьер-министр Армении Никол Пашинян, отвечая на вопросы депутатов, передает АРКА.

    • И НИ СЛОВА О БЛОКАДЕ
      2024-03-11 10:10

      Армения искренне желает скорейшего открытия государственных границ, установления дипломатических отношений и расширения связей между двумя народами и культурами. Об этом заявил в интервью турецкому Anadolu глава МИД Армении Арарат Мирзоян, касаясь перспектив процесса урегулирования армяно-турецких отношений и возможности открытия границы, передает News.am. «В рамках процесса нормализации отношений между Арменией и Турцией были назначены специальные посланники, состоялись встречи и телефонные контакты. Состоялись также телефонные разговоры между президентом Турции Реджепом Тайипом Эрдоганом и премьер-министром Армении Николом Пашиняном. Имеются постоянные контакты, которые обеспечивают положительную динамику», - заявил Мирзоян. Отвечая на вопрос о преимуществах открытых границ между двумя странами, Мирзоян заявил, что они очевидны. «В первую очередь, это очень важно для людей. Развитие отношений, рост экономических отношений принесут пользу прежде всего людям, что осознает большинство граждан Армении», - сказал он.

    • ДИВЕРСИФИКАЦИЯ ПО МЕРЕ ОБРАЗОВАННОСТИ
      2024-03-06 10:01

      Согласно данным статистического комитета РА, в январе текущего года, по сравнению с тем же месяцем 2023-го, объем внешней и взаимной торговли Армении вырос на 78,8%. В принципе, цифра впечатляет. Но есть нюанс. Дело в том, что еще с прошлого года правительство Армении объявило курс на внешнеторговую диверсификацию, что в нашем случае подразумевало сокращение объемов торгового взаимодействия Армении с РФ и поиск новых и разных рынков сбыта армянской продукции.

    • ФАКТОР СПРАВЕДЛИВОСТИ
      2024-03-02 11:18

      Закон о налогообложении трудовых мигрантов был принят давно - порядка 10 лет назад. Об этом, отвечая на вопросы парламентариев в ходе правительственного часа, заявил премьер-министр Армении Никол Пашинян, передает АрмИнфо.






    ПОСЛЕДНЕЕ ПО ТЕМЕ